На набярэжнай Нёмана ўсталявалі прычал для маламерных судоў

Ужо ў чэрвені новы прычал на правым беразе Нёмана зможа прымаць першыя маламерныя суда. Цяпер яго добраўпарадкаваннем займаюцца гарадскія службы. З дапамогай такога прычала ў цэнтры горад плануе развіваць новы від паслуг – воднае таксі.

“Прычал прызначаны для маламерных судоў і ўжо ў чэрвені мы плануем запусціць па Нёмане першае воднае таксі, – распавядае начальнік аддзела спорту і турызму Гродзенскага гарвыканкама Яўген Ародзь. – Да нас звярнулася грамадскасць, якая мае на балансе маламерныя суда. І тады гарвыканкам вырашыў арганізаваць у Гродна дадатковы варыянт баўлення вольнага часу – магчымасць паглядзець горад з Нёмана”.

Аказваць паслугі воднага таксі будуць прыватныя асобы, распавёў чыноўнік.

На набярэжнай Нёмана ўсталявалі прычал для маламерных судоў
У міжваенны час у Гродне ў гэтым месцы ўжо быў прычал для маламерных судоў

Нагадаем, у Гродне на Нёмане будуюць яшчэ адзін прычал – побач з базай адпачынку “Прывал”.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: