Горад

Знойдзены ў цэнтры Гродна скарб ацанілі ў 19,5 тысяч долараў

Канчатковы кошт скарбу, які знайшлі ў цэнтры Гродна 14 красавіка, будуць вызначаць у Гродзенскім аблвыканкаме. Туды з гісторыка-археалагічнага музея на днях перадалі дакументы па ацэнцы каштоўнай знаходкі.

Экспертамі па ацэнцы знойдзенага ў цэнтры Гродна скарбу, акрамя складу экспертнай фондава-закупачнай камісіі, выступалі старшыня нумізматычнага таварыства Віктар Какарэка, які даваў заключэнне па манетах, па каронках рабіў экспертызу загадчык аддзялення абласной бальніцы, стаматолаг Міхаіл Сагайдак, а каштоўныя камяні вывучаў спецыяліст — гемолаг Уладзімір Жданюк.

Па выніках усіх высноваў скарб у музеі ацанілі ў 19 424 долараў. Самым дарагім прадметам стаў унікальны пярсцёнак з мальтыйскім крыжам, які ацанілі ў $ 1.5 тыcячы.

[irp posts="58 250″ name="У цэнтры Гродна знайшлі яўрэйскі скарб часоў Другой сусветнай"]

Скарб знайшлі сёлета 14 красавіка на гарышчы дома на тэрыторыі былога яўрэйскага гета (2-я Працоўная вул.). Гэты будынак рэканструююць пад медыцынскі цэнтр. Будаўнік Уладзімір Страковіч разбіраў дах і пад цэглай знайшоў металічную табакерку з надпісам «Tytuń fajkowy specjalny». Унутры ляжалі 23 залатыя манеты, 11 пярсцёнкаў, ланцужкі, завушніца, абрэзаны медаль, зліткі золата, зубныя каронкі. Зверху ўсё было прыкрыта паперкамі для ўшчыльнення. Агульная вага скарбу склала больш за 400 грамаў.

Зараз дакументы па ацэнцы знаходкі перададзены ў мясцовы аблвыканкам на ўзгадненне. Пасля гэтага будзе агучаны поўны кошт скарбу. Па закону, палова скарбу належыць дзяржаве, астатняе пароўну дзеліцца паміж чалавекам, які знайшоў скарб і ўласнікам будынка.

Вядома, што ў канцы чэрвеня ў сенатарскай зале Новага замка адкрыецца выстава прысвечаная знойдзеным у Гродзенскай зямлі скарбам. Усяго будзе выстаўлена каля 25 каштоўных знаходак, у тым ліку і дзве апошнія — з вуліц Антонава і 2-й Працоўнай.

[irp posts="31 421″ name="Гісторыя са скарбам на Антонава скончылася: рабочыя атрымалі ўзнагароджанне"]

Апошнія запісы

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025