У цэнтры Гродна знайшлі яўрэйскі скарб часоў Другой сусветнай

У час будаўнічых прац у доме №3 на вуліцы 2-й Працоўнай рабочыя знайшлі на паддашшы схаваную каробачку ад тытуню. У ёй – упрыгожанні, манеты, у тым ліку старадаўнія, каронкі ды некалькі кавалкаў паперы.

Верагодна, каштоўнасці схавалі яўрэі перад ліквідацыяй гета.

Чытайце яшчэ:  Выжыў толькі адзін працэнт. 75 гадоў таму гродзенскiх яўрэяў сагналі ў гета каб знішчыць

У цэнтры Гродна знайшлі яўрэйскі скарб часоў Другой сусветнай

Скарб знайшоў будаўнік Уладзімір Страковіч.

– Я здымаў маўэрлат [элемент сістэмы даху – рэд]. Калі ўздымаў пэўныя часткі, то ўбачыў скрынку. Спачатку не надаў ёй значэння, а пасля прыгледзеўся і адкрыў. А там золата: розныя манеты, ланцужкі, пярсцёнкі і іншае. Я быў у шоку.

Чытайце яшчэ:  Гісторыя са скарбам на Антонава скончылася: рабочыя атрымалі ўзнагароджанне

Начальства выклікала прадстаўнікоў гісторыка-археалагічнага музея і міліцыю. Паводле першых ацэнак супрацоўнікаў музея знойдзены скарб з’яўляецца каштоўным. Верагодней за ўсё, яго схавалі гродзенскія яўрэі падчас нямецкай акупацыі 1941-1943 гг.

“Жартавалі, што знойдзем што-небудзь”

Пасля рэканструкцыі ў доме размясціцца медыцынскі цэнтр.

Алег Разін, уласнік будынка:

“Калі мы куплялі гэты закінуты дом, то ведалі, што ён незвычайны і мае сваю гісторыю. Спачатку, у 1894 годзе, гэта была аднапавярховая пабудова, а пасля вялікага пажару ўладальнік дабудаваў яшчэ адзін паверх. Пры куплі мы з калегамі жартавалі,
што калі будзем яго разбіраць, то абавязкова нешта знойдзем. І бачыце як атрымалася”.

Будынак, дзе знайшлі скарб, быў пабудаваны ў 1894 годзе, уладальнікам яго быў яўрэй Хаім. Падчас Другой сусветнай вайны гэты дом знаходзіўся на тэрыторыі гродзенскага гета.

Чытайце яшчэ:  Што вядома пра залаты скарб, які знайшлі ў цэнтры Гродна

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: