Здароўе і спорт

Аматарскі хакей на вышыні: гродзенскі «Авангард» стаў чэмпіёнам Мінска

У чацвер 3 мая ў сталіцы завяршыўся аматарскі чэмпіянат Мінска ў першай лізе. У фінале ва ўпартай барацьбе гродзенскі «Авангард» здолеў абыграць «Беркут-МАПІД» з лікам 3:1 і ўзяць кубак турніру. Чэмпіёнства стала для гродзенцаў другім у гісторыі спаборніцтваў.

Чэмпіянат Мінска па хакеі сярод аматарскіх каманд праводзіўся 17-ы сезон і аб’яднаў аматараў хакею розных узростаў і прафесій. Колеры каманд абаранялі як аматары, так і ў мінулым прафесійныя гульцы.

У чэмпіянаце ў першай лізе прыняло ўдзел 13 каманд. Гродзенскі «Авангард» удзельнічаў у турніры трэці раз і другі раз стаў чэмпіёнам. Па выніках сезона команда заняла 8-е месца і здолела выйсці ў плэй-оф, а ўжо пасля перамога за перамогай прывяла «Аванград» да залатых медалёў.

«У Мінск даводзілася ездзіць кожныя выхадныя. Быў нават перыяд, калі з-за фінансавых цяжкасцяў і недахопу вольнага часу гульцам прыйшлося рабіць выбар — спыняць удзел ці працягваць барацьбу, — распавядае гулец Віталь Гарбацюк. — У выніку вынеслі гэтае пытанне на каманднае галасаванне і практычна аднагалосна прынялі, як аказалася, правільнае рашэнне — працягваць.

Выказваем падзяку нашаму капітану Алегу Гарацкевічу — ён усё выцягнуў і разруліў - сапраўдны лідар. Прайшоўшы два кругі рэгулярнага чэмпіянату, наша каманда выйшла ў плэй-оф на 8-м месцы — у гэтым была пэўная тактыка. А ўжо ў плэй-оф „Авангард“ павольна, але ўпэўнена рухаўся да перамогі. Вынік — пераходны кубак чэмпіянату Мінска і залатыя медалі. Як сказаў наш капітан, у гэтым сезоне гродзенскі хакей на вышыні, а значыцца, і мы павінны трымаць марку — паказаць узровень. Паказалі».

У наступным сезоне «Авангард» можа прыняць удзел і ў вышэйшай лізе турніру, дзе гуляюць больш дасведчаныя хакеісты. Але для ўдзелу ў гэтым чэмпіянаце камандзе патрэбен будзе сур’ёзны спонсар.

Гродзенскі «Авангард» існуе каля 6 гадоў. Сёння сярэдні ўзрост каманды — 40 гадоў. За час існавання каманды аматары здолелі стаць прызёрамі не толькі мінскага чэмпіянату, але і іншых турніраў, напрыклад гродзенцы не аднойчы бралі «Бурштынавы кубак» у латвійскай Ліепаі.

Падзяліцца
Меткі: спорт

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025