Гродзенскі футбаліст Максім Мякіш падпісаў кантракт з партугальскай “Лейрыяй”

18-гадовы гродзенскі футбаліст Максім Мякіш падпісаў двухгадовы кантракт з партугальскім клубам “Лейрыя” (Д3). Пра гэта футбаліст паведаміў у сваім Instagram.

Максім Мякіш – выхаванец гродзенскага “Нёмана” і ў мінулым сезоне дэбютаваў у асноўным складзе “жоўта-зялёных”, двойчы выйшаўшы на замену. Футбаліст на пастаяннай аснове прадстаўляе i юнацкую зборную Беларусі. У сакавіку 2018 года ў гродзенца скончыўся кантракт з “Нёманам” і падаўжаць ён яго не стаў.

У інтэрв’ю “Прэсболу” Мякіш распавёў, чаму вырашыў так зрабiць:

– Палічыў, што ў Еўропе ў мяне таксама будуць добрыя перспектывы, а праявіць сябе на больш высокім узроўні хочацца заўсёды. Ды і тыя ж скаўты надаюць пільную ўвагу партугальскаму чэмпіянату. Вось і вырашыў: лепш рызыкнуць – і паспрабаваць, чым не рызыкнуць – і потым шкадаваць.

“Я рады далучыцца да вялікага клубу “Лейрыя”, – напісаў Мякіш.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: