Дадаць навіну
Аўторак, 24 красавіка 2018, 12:25

114 кілаграм! Рэкордную кантрабанду гашышу канфіскавалі ў Кузніцы ў расіяніна

Партыю гашышу вагой 114 кг і коштам каля 1,3 млн еўра затрымалі польскія памежнікі 14 красавіка ў пункце пропуску ў Кузьніцы Беластоцкай. Грамадзянін Расіі схаваў кантрабанду ў падвойным дне свайго Peugeot 3008, паведаміла начальнік прэс-службы Падляшскага аддзялення Польскай памежнай службы Катажына Здановіч.

Увагу памежнікаў прыцягнулі дзіўныя паводзіны кіроўцы. Таму супрацоўнікі папрасілі калег з мытнай службы прасканаваць аўтамабіль. Так атрымалася выявіць падвойнае дно, дзе былі схаваныя 131 упаковак з раслінным рэчывам, якое апынулася гашышам. Канфіскавана каля 114 кг наркотыку.

45-гадовы грамадзянін Расіі затрыманы разам з аўтамабілем (коштам каля 10 000 еўра). Яму пагражае штраф і не менш 3 гадоў пазбаўлення волі.

Падобны выпадак меў месца ў Кузніцы 10 месяцаў таму. Тады расеец спрабаваў правезці 117 кг гашышу.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: