Здароўе і спорт

Як «Нёман» абыграў «Юнацтва» і стаў чэмпіёнам Беларусі

Шосты матч паміж «Нёманам» і «Юнацтвам», які праходзіў у Мінску 6 красавіка, скончыўся перамогай гродзенскай каманды. Такім чынам у фінальнай серыі да чатырох перамог дружына Сяргея Пушкова аказалася мацнейшай за свайго суперніка і стала чэмпіёнам Беларусі.

Падтрымаць у Мінску «Нёман» адправілася вялікая армія гродзенскіх заўзятараў. Ужо пасля матчу гульцы «Нёмана» казалі, што гулялі на «Чыжоўцы» як дома. Падтрымлівала гродзенскую каманду на мінскай арэне больш за 1000 чалавек.

Гаспадары лёду пачалі матч актыўна і хутка здолелі адкрыць лік. Пасля памылкі Труса на 2-й хвіліне Зямлянкiн скарыстаўся сваім шанцам і адправіў шайбу ў вароты «Нёмана». Пасля прапушчанага гола гродзенцы не зажурылися і праз 40 секунд зраўнялі лік. Ляўша па-майстэрску прайшоў абарону «Юнацтва» і закінуў Мільчакову. Але за кошт актыўнасці гаспадарам яшчэ да перапынку атрымалася закінуць другую шайбу i выйсцi наперад. Вызначыўся Усцiненка.

Са стартам другой дваццаціхвілінкі гродзенцы прыкметна дадалі ў гульні, але здолелі вызначыцца толькі ў канцы перыяду. Спачатку Ляўша закінуў чарговую шайбу і зраўняў лік у матчы. А праз хвіліну Грынь вывеў «Нёман» наперад. Як аказалася пазней, яго шайба і была апошняй у матчы.

У заключнай дваццаціхвілінцы «Нёман» добра глядзеўся і не даваў «Юнацтву» наблізіцца да варот Труса. Было шмат барацьбы з боку мінчан, але прабіць вароты гродзенцаў ім так і не ўдалося. У выніку «Нёман» утрымаў лiк і здолеў стаць чэмпіёнам краіны.

«Юнацтва» — «Нёман» 2:3 (2:1, 0:2, 0:0)

галы:
01.52 1:0 — Зямлянкiн
02.32 1:1 — Ляўша (А.Маляўка)
07.09 2:1 — Устiненка (Корса)
36.41 2:2 — Ляўша (Пасют, Крыскін, — бол.)
37.19 2:3 — Грынь

У фінальнай серыі да чатырох перамог «Нёман» абыграў «Юнацтва» з лiкам 4:2 і стаў сяміразовым чэмпіёнам Беларусі. Столькі ж галоўных трафеяў і ў мінскага «Юнацтва».

Пасляматчавы каментар галоўнага трэнера «Нёман Сяргея Пушкова можна
пачытаць тут.

Сезон 2017−18 для «Нёмана» скончыўся ўдала. Падапечныя Сяргея Пушкова змаглі заняць першае месца ў рэгулярным чэмпіянаце, а пасля ў плэй-оф прайсці ўсіх супернікаў і ўзяць Кубак прэзідэнта. Ужо летам са стартам новага сезону «Нёман» дасць старт і ў Лізе Чэмпіёнаў. Разам з гродзенцамі ў еўракубку будзе выступаць і «Юнацтва».

Падзяліцца
Меткі: спорт

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025