Больш за 230 удзельнікаў сабраў забег, прымеркаваны да Сусветнага дня здароўя. Ён прайшоў у лесапарку Пышкі, у гарадской зоне адпачынку. Для удзельнікаў рознага ўзросту былі праведені тры забегі.
Самыя малодшыя пераадолелі 100 метраў, Дзеці ад 7 гадоў - 400, а старэйшыя за 11 разам з дарослымі прабеглі дыстанцыю ў 4, 3 кіламетры. Забег да дня здароўя праходзіў у Гродне ўпершыню. Па словах арганізатараў, клуба аматараў бегу Run4Fun, колькасць удзельнікаў перавысіла чаканую.
Упрыгожаннем свята сталі выпушчаныя ў неба каляровыя шары.
Больш фота з забегу ў галерэі.
