Здароўе і спорт

Каб інсульт не прыйшоў знянацку. Як жыць і правільна мераць ціск?

Што рабіць, каб інсульт не прыйшоў знянацку, і як правільна мераць ціск, расказалі і паказалі гродзенцам на адкрытай сустрэчы з лекарамі ў галіне неўралогіі і кардыялогіі. Яна прайшлі ў цэнтральнай паліклініцы 8 лютага.

Перад інсультам прыходзіць мігальная арытмія

Інсульт часта прыходзіць у госці без папярэджанняў. Трэць выпадкаў заканчваюцца смерцю. Аднак можна з ім пазмагацца загадзя. Папярэднікам інсульту могуць быць павышаны ціск, або гіпертэнзія, і мігальная арытмія.

Мігальная арытмія — самая небяспечная з усіх відаў арытміі. Часта яна працякае без сімптомаў. Падказкай могуць стаць агульныя, такія як: галавакружэнне, павышаны ціск, пачашчанае дыханне, сэрца забілася, нібы птушка ў клетцы.

У групе рызыкі маладыя людзі ўжо з 30 год.

З’явіліся танометры новага пакалення

Летась у Беларусі з’явіліся адмысловыя танометры, якія могуць высветліць мігальную арытмію. Яны не толькі паказваюць звычайныя лічбы артэрыяльнага ціску, але пры наяўнасці мігальнай арытміі высвечваюць на экране літары AFIB. На сустрэчы ўсе жадаючыя маглі праверыць гэты паказальнік. Цана такіх танометраў вагаецца каля 200 рублёў.

Танометры, якія дапамагаюць выявіць мігальную арытмію
У мігальнай арытміі ёць дзве фазы: часовая і пастаянная. Калі выявіць хваробу на першай фазе, то яе яшчэ можна вылекаваць. На другой фазе хворым выпісваюць антыкагулянты, якія разрэджваюць кроў, каб не ўтвараліся тромбы, каб прымаць іх усё жыццё, распавёў прадстаўнік кампаніі Microlife Арцём Шымчук.
Арцём Шымчук

Правілы супраць інсульту і мігальнай арытміі

Каб папярэдзіць мігальнуб арытмію і інсульт, варта весці здаровы лад жыцця:

  • Актыўна рухацца 30−40 хвілін у дзень
  • Не дапускаць лішняй вагі цела
  • Есці менш солі
  • Не паліць

Як правільна мераць ціск?

Нават спраўны танометр можа паказваць неправільны ціск, калі парушаць базавыя правілы.

  • Пасля кароткага адпачынку ў 3−5 хвілін. Не варта мераць ціск адразу пасля фізічных высілкаў: падняліся па сходах, памылі падлогу.
  • Седзячы выгодна, абаперціся аб спінку крэсла. У іншых становішчах паказанні ціску могуць быць неадэкватнымі.
  • На голую руку без адзення. Дапускаецца тонкая кашуля. Але не праз ваўняны свэтр.
  • Манжэта танометра павінна адпавядаць памеру рукі. Калі рука поўная, непажадана мераць ціск з дапамогай манжэты стандартнага памеру.
  • Рука павінна знаходзіцца на ўзроўні сэрца, не звісаць з апоры.
  • Не размаўляць падчас вымярэння, не думаць пра кепскія падзеі, старацца не хвалявацца.
  • Пасля прыбіральні. Непажадана мераць ціск, калі чалавек хоча ў туалет.

Усміхніся, падымі рукі, назаві імя

Лекары таксама нагадалі, як праверыць, ці з чалавекам здарыўся інсульт, метадам FAST.

F (face, твар) — папрасіць чалавека ўсміхнуцца. Пры інсульце ідзін з куткоў вуснаў застанецца апушчаным, абвіслым.

A (arms, рукі) — папрасіць чалавека падняць выпраставаныя рукі паралельна зямлі. Пры інсульце ён не зможа іх трымаць перад сабой, рукі будуць апускацца.

C (speech, гаворка) — папрасіць назваць сваё імя, або адказаць на простае пытанне. Пры інсульце гаворка невыразная, незразумелая.

T (time, час) — найбольш верагодна выратаваць чалавека ў першыя тры гадзіны ад пачатку інсульту.


Мерапрыемства праходзіла ў межах сацыяльнага праекта «У адным вымярэнні», накіраванага на барацьбу з інсультамі і інфарктамі. Праект арганізаваны вытворцам танометраў Microlife і Нацыянальным парталам «Здаровыя людзі» пры падтрымцы Міністэрства аховы здароўя Беларусі.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025