Франтавы бамбардзіроўшчык Су-24М 6 лютага даставілі з Баранавічаў ў Скідзель, піша rgazeta.by.
Зараз спецыялісты інжынерна-авіяцыйнай службы вайсковай часці № 54 804 вядуць зборку экспаната самалёта, які размясціўся насупраць старога парку побач з экспанатам танка Т-80.
Гэта першыя адзінкі тэхнікі мемарыяльнага комплексу вайсковай славы. Самалёт усталёўваецца ў памяць пра лётчыкаў 127-га знішчальнага авіяцыйнага палка, які дыслакаваўся ў горадзе з 17 верасня 1940 па 22 чэрвеня 1941 года.
Яго задачай было прыкрыццё адміністрацыйнага і ваеннага цэнтра Гродна, перапраў цераз Нёман, а таксама чыгуначнай станцыі Масты і развязкі чыгуначнага шляху Гродна-Ліда-Ваўкавыск.
