У гаспадарцы Свіслацкага раёна б’юць трывогу — тэхніка, набытая ў лізінг па дзяржпраграме, зламалася. А адрамантаваць яе не выходзіць: завод, які выйграў тэндар на куплю, закрылі, расказвае «АНТ».
З выгляду практычна новая тэхніка паспела папрацаваць толькі тры гады. Але мокнуць пад дажджом два прэс-падборшчыкі для ўборкі сена з палёў. Першая ж буйная паломка для гаспадаркі «Вердамічы» аказалася праблемай — запчастак узяць няма дзе. Завод-вытворца ў Беларусі закрыўся. Купляць наўпрост частку дарагіх дэталяў з Італіі гаспадарка не ў стане.
«Не хапала, не спраўляліся з уборкай саломы пасля ўборкі збожжавых. Вельмі патрэбны былі прэсы. Але на той час мы не думалі, што яны такія праблемныя. Мы самі трохі стараліся, але цалкам падабраць, зрабіць гэтыя запчасткі немагчыма», — расказвае Алег Лічык, галоўны інжынер сельгаспрадпрыемства «Вердамічы».
Цяпер тут з асцярогай чакаюць чарговага жніва. Спраўных агрэгатаў можа не хапіць. Гаспадарка яшчэ нават не паспела расплаціцца за пакупку. Гэтую тэхніку закуплялі цэнтралізавана ў лізінг па дзяржпраграме, не давяраць падставы не было. Ды і форма зручная: аналаг растэрміноўкі, аплата часткамі і без працэнтаў.
Як аказалася: гэта не лакальная праблема адной гаспадаркі, зламаныя агрэгаты прастойваюць практычна ў кожным раёне вобласці.
«Шкоду сельскай гаспадарцы можна ацаніць у тым, што дзяржава вылучыла для гэтага бюджэтныя грошы, а гэтыя бюджэтныя грошы ў поўнай меры не працуюць. Яны замарожаныя, гаспадаркі плацяць лізінгадаўцу, лізінгадаўца вяртае грошы, але дзяржава губляе ў тым, што тэхніка на патрэбы сельскай гаспадаркі не працуе», — кажа Аляксандр Дабрук, начальнік аддзела Камітэта дзяржкантролю Гродзенскай вобласці.
У суседняй гаспадарцы, самай моцнай ў раёне, сітуацыя тая ж. Людзі хочуць і могуць працаваць, але тэхніка не дазваляе. Прастойвае. І як так атрымалася, што завод узяў і закрыўся, тут не разумеюць. Спрабавалі звязацца з кампаніяй, але безвынікова. Звяртацца ў суд няма ні сіл, ні часу. На носе пасяўная.
Зараз аграрыі спрабуюць вырашыць пытанне на ўзроўні раёна. Адзін з варыянтаў: прыцягнуць да справы майстроў прадпрыемства па рамонце сельгастэхнікі, іх толькі ў Гродзенскай вобласці каля дзясятка, у іх і магчымасцяў больш, і сучасныя станкі, і рабочая сіла.
З такой ідэяі мясцовая ўлада ў гаспадарцы Свіслацкага раёна згодна. Калі сітуацыю выправіць не атрымаецца, гатовыя звярнуцца ў профільнае Міністэрства. Кажуць, гэта ўжо справа і гонару, і прынцыпу, бо выдаткаваны немалыя грошы — кожны такі агрэгат абыйшоўся ў 20 тысяч рублёў.
Новы аб'ект грамадскага харчавання адкрыецца ў будынках № 31 і № 33 па вул.Вялікай Траецкай…
Домік для бяздомных катоў з'явіўся ў адным з аграгарадкоў пад Гроднам. У ім ужо пасялілася…
Напярэдадні свят на польска-беларускай мяжы сабраліся чэргі з турыстычных аўтобусаў і легкавых аўтамабіляў. У сацыяльных…
Нацыянальны банк Беларусі рыхтуе да выпуску памятныя манеты, прысвечаныя 200-годдзю Аўгустоўскага канала. Адпаведная інфармацыя з'явілася…
Завадчане працягваюць прыцягвацца па артыкуле 19.11 КаАП. Гэта нягледзячы на неаднаразовыя заклікі перагледзець свае сацыяльныя…
23 снежня ў Рэспубліканскі спіс экстрэмісцкіх матэрыялаў унеслі акаўнты ў Facebook і візуальны матэрыял гродзенцаў…