Ключы ад новага пад’ёмніка работнікі «ГроднаЛіфта», якія займаліся яго устаноўкай, выдалі 19 жыхарам дома на вуліцы Таўлая. У ім жывуць 13 інвалідаў, піша «Гродзенская праўда».
Некаторыя перасоўваюцца з дапамогай мыліц, у інвалідных вазках. Да гэтага часу яны з цяжкасцю пераадольвалі высокія прыступкі, якія вядуць у пад’езд. А камусьці і гэта было не па сілах і даводзілася «на шпацыр» ісці на балкон.
— Прынцып працы пад’ёмніка нескладаны. Чалавек ўстаўляе ключ, націскае кнопку, і пад’ёмнік, калі ён знаходзіўся уверсе, апускаецца. Адкрывае дзверы, забірае свой ключ, заязджае на калясцы або заходзіць унутр кабінкі і закрывае за сабой дзверы. Устаўляе ключ унутры самой кабінцы, і, утрымліваючы кнопку ў націснутым становішчы, рухаецца ўверх. Такім чынам чалавек трапляе на пляцоўку на ўзроўні ўваходных дзвярэй. Пасля прыпынку забірае свой ключ і накіроўваецца да дзвярэй дома, — тлумачыць галоўны інжынер ААТ «ГроднаЛіфт» Генадзь Бялоцкі.
Пад’ёмнік зрабілі на заводзе ў Гомелі. Яго грузападымальнасць — да 225 кілаграмаў.
Гэта ўжо трэці ў Гродне электрычны пад’ёмнік у жылым доме. У пачатку мінулага года былі ўсталяваныя два: на праспекце Янкі Купалы, 80 і на вуліцы Паўднёвай, 13. Электрапад’ёмнікі плануюць ўсталяваць яшчэ у двух іншых жылых дамах на праспекце Янкі Купалы і на вуліцы Паўднёвай. Па зваротах жыхароў будуць ўладкоўваць пандусы ўнутры пад’ездаў.
[irp posts="42 193″ name="Дзесяць шматпавярховікаў у Гродне абсталююць пад’ёмнікамі для людзей з інваліднасцю"]
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…