З 19 студзеня парк актыўнага адпачынку «Алімп» у Каробчыцах прыняў першых зімовых наведвальнікаў у гэтым годзе. Месца падрыхтавалі за тыдзень і пакуль надвор’е будзе дазваляць працаваць, парк будзе на максімум прыцягваць увагу наведвальнікаў.

У дзень адкрыцця снегу на схілах парку было дастаткова. Для наведвальнікаў ужо адкрыты гарналыжны спуск, а таксама цюбінгавая траса.

Слой снегу на «Алімпе» — таўшчынёй каля 50 см, ёсць і запас, расказаў дырэктар ЦСК «Нёман» Віктар Шумель.

«У нас ужо гатовыя гарналыжная і цюбінгавая траса. У бліжэйшы час плануем таксама адкрыць бясплатна трасу для маленькіх дзяцей, дзе можна катацца на снегакатах. Будзем працаваць кожны дзень пакуль будзе дазваляць надвор’е. У мінулым годзе гродзенцы каталіся яшчэ ў сакавіку».

[irp posts="47 552″ name="Памянялі PlayStation на цюбінг: гродзенцы ўпершыню гэтай зімой выйшлі на снежныя горкі"]

Што новага?

У бліжэйшы час у парку плануюць павялічыць рацыён меню ў буфеце. Там плануюць прадаваць суп і іншыя гарачыя стравы. Таксама будзе адкрыта спецыяльная цёплая альтанка, дзе можна пагрэцца і адпачыць. У будучыні магчымы і бясплатны транспарт з горада.

Што з цэнамі?

Цэны ў параўнанні з мінулым годам крыху змяніліся. Гарналыжны камплект — лыжы, чаравікі і палкі - на гадзіну ў буднія дні будзе каштаваць 7 рублёў, а ў выходныя — 9. Цюбінг на гадзіну з панядзелка па пятніцу абыйдзецца ў 3 рублі, у выхадныя — 4. Для пенсіянераў і дзяцей да 12 гадоў ёсць зніжкі.

Калі працуе?

З панядзелка па чацвер парк будзе працаваць з 15:00 да 23:00, а ў пятнiцу будзе працаваць да дзвюх гадзін ночы. У выхадныя цэнтр зімовага адпачынку будзе працаваць з 11:00 да 23:00.

[irp posts="47 085″ name=" Лепш за Лядовы". Сотні чалавек катаюцца на замерзлай лужыне на Дзевятоўцы"]

У мінулым годзе ў сярэднім у дзень парк «Алімп» наведвала каля 500 чалавек.