Вечарам 12 студзеня кацёл Найсвяцейшага Адкупіцеля на Дзевятоўцы быў поўны людзей. Тут праходзіў канцэрт сям’і Паспяшальскіх з Польшчы. Калектыў аб’ядноўвае 14 музыкаў – два пакаленні сям’і. Заснаваў аркестр і кіруе ім кампазітар, музыка і журналіст Ян Паспяшальскі. Першы раз Паспяшальскія наведалі Гродна з канцэртам у 2016 годзе. Зараз іх музычныя візіты сталі ўжо добрай традыцыяй для горада.
Няма нічога дзіўнага ў тым, што захапленне музыкай стала агульным для цэлай сям’і. Любоў да творчасці пераймаецца ад старэйшых да малодшых натуральным чынам, праз лад жыцця і сямейныя традыцыі. Усе дзеці Паспяшальскіх вучыліся ў музычных школах, скончылі ці вучацца зараз у кансерваторыі ці акадэміі музыкі.
https://youtu.be/RXc1nkyo3aQ
У Беларусі апроч штогадовых сямейных канцэртаў ён рэгулярна ладзіць «Музычныя майстэрні» ў Івянцы.
