Улетку з Гродзенскага аэрапорта можна будзе паляцець у Чарнагорыю. Гэта чарговы новы напрамак у Гродзенскім аэрапорце. За апошнія некалькі гадоў тут пачалі выконвацца чартары ў балгарскі Бургас і турэцкую Анталію. Гэтыя рэйсы захаваюцца і ў наступным летнім сезоне, піша «Гродзенская праўда».
Лятаць па гэтых маршрутах будуць самалёты Боінг 737−300 умяшчальнасцю 148 пасажыраў. Як паказвае практыка, яны лётаюць з поўнай загрузкай.
Таксама з 5 чэрвеня 2018 года адновяцца рэгулярныя рэйсы па маршруце Калінінград — Гродна — Калінінград. Яны будуць ажыццяўляцца двойчы на тыдзень па аўторках і пятніцах. На гэтым напрамку выкарыстоўваюцца самалёты CRJ-200, якія дазваляюць перавозіць 50 пасажыраў.
Пры падарожжы авіятранспартам у Калінінград не патрэбна атрымліваць візу, а час у шляху займае ўсяго паўгадзіны, адзначае начальнік Гродзенскага філіяла дзяржаўнага прадпрыемства «Белаэранавігацыя» Анатоль Купрашэвіч.