Нацыянальны інтэрактыўны конкурс у фармаце рэаліці-шоў #Паскарэнне набраў абароты. 115 праектаў ужо пададзена для ўдзелу ў конкурсе — і гэта не мяжа, кажуць арганізатары. Цяпер дастаткова прыцягнуць на конкурс праект сябра і ўдзельнічаць у розыгрышы дадатковых 2000 рублёў.

Як выйграць #Паскарэнне, калі няма крутой ідэі? Знайдзі крэатыўнага сябра і стань Хантэрам яго праекта!

«Хантэр» — гэта чалавек, які знайшоў і параіў стваральніку праекта ўдзельнічаць у конкурсе.

Onliner.by, Talaka, Gurtam і velcom абвяшчаюць 2 прызы па 1 000 рублёў для паляўнічага за светлымі галовамі.

Што для гэтага трэба зрабіць?

— зайсці на go.talaka.org/paskarennie2017 і націснуць чырвоны гузік «Стань Хантэрам»
— скапіяваць персанальную спасылку хантэра (выдзелена тлустым), разаслаць сябрам у сацыяльных сетках і запрасіць іх апублікаваць праект

Калі праект выйграе ў адной з намінацый, хантэр атрымае 1 000 рублёў. А калі ў двух — 2 000 рублёў. Гэта недатыкальныя грошы для хантэр, якія не ўваходзяць у прызавы фонд.

Да падачы праектаў засталося няшмат часу — 23.59 20 снежня 2017 года сканчаецца час падачы заяўкі. Няпоўных 6 дзён. Высокая цікавасць да ўдзелу ў конкурсе (115 апублікаваных праектаў) прымусіў арганізатараў перагледзець тэрміны і падоўжыць прыём заявак.

#Паскарэнне — конкурс беларускіх праектаў у самым шырокім значэнні: ад сацыяльных і гарадскіх да прадпрымальніцкіх і тэхналагічных. Пераможцаў чакае прызавы фонд у памеры 4000 рублёў і спецыяльныя падарункі ад партнёраў конкурсу. У намінацыі velcom «Камфорт» удзельнікаў чакае сучасны смартфон з падлучаным аднайменным тарыфным планам. Крытэрыем ацэнкі будзе ўвага стваральнікаў праектаў да камфортных пераменаў у жыцці беларусаў, таксама як гэта робяць тарыфы лінейкі «Камфорт». Кампанія Gurtam падорыць пераможцу намінацыі «Праект будучыні» модны і карысны гаджэт — смарт-гадзіннік.