Дадаць навіну
Аўторак, 24 красавіка 2018, 03:17

На Замкавы мост 17 стагоддзя пакладуць 100 тон бетону

Мост паміж Старым і Новым замкамі ўзмацняюць, каб у будучыні па ім магла праехаць гружаная будаўнічая тэхніка. Робіцца гэта для таго, каб ціск на мосце ішоў строга на апоры — калоны. Узмацненне часовае — на час рэканструкцыі.

Сёння ніхто з будаўнікаў не дае гарантыю, што стары мост вытрымае гружаную тэхніку. Таму было прынята рашэнне ўзмацніць канструкцыю. Усяго плануецца ўкласці на мост больш за 100 тон бетону — плiты i раствор.

Спецыяльна для наведвальнікаў музею, які працягвае працаваць у замку, быў збудаваны часовы пешаходны мост.

Сам замкавы мост быў пабудаваны ў 17 стагоддзі і дайшоў ён да нашых дзён з невялікімі перабудовамі.

Рэканструкцыя Старога замка пачалася ў верасні 2017 года. За аснову ўзяты замак часоў караля Стэфана Баторыя, аўтарства якога прыпісваюць італьянскаму архітэктару Санці Гучы 1580-х гадоў. Праектам рэканструкцыі займаўся мінскі архітэктар Уладзімір Бачкоў. Праект Бачкова ўспрымаецца неадназначна, некаторыя даследчыкі называюць яго фантазійным і шкодным.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: