Аўкцыён па продажы палацавага комплексу 18 стагоддзя ў парку Жылібера не адбыўся, бо не было пададзена ніводнай заяўкі. Пра гэта Hrodna.life распавялі ў фондзе «Гроднааблмаёмасць».
Шостыя па ліку таргі па продажы старога будынка павінны былі прайсці ў панядзелак 20 лістапада, але з-за адсутнасці пакупнікоў чарговы раз праваліліся. З малатка палац Чацвярцінскіх, многім больш вядомы як ваенная камендатура, павінен быў сысці не менш чым за 1,2 млн долараў.
Напярэдадні аўкцыёну хадзілі чуткі, што палацавым комплексам зацікавіліся кітайскія інвестары, якія нібыта планавалі з яго зрабіць сучасную гасцініцу. Але і ад азіяцкіх пакупнікоў не паступіла заявак.
Па ўмовах таргоў новы ўласнік палаца можа рэканструяваць яго пад аб’ект адміністрацыйнага або культурна-асветніцкага прызначэння. Ён павінен падпісаць ахоўнае абавязацельства і на працягу наступных чатырох гадоў правесці капітальны рамонт палаца і ўвесці яго ў эксплуатацыю. Акрамя самога палаца з усімі прылеглымі будынкамі агульнай плошчай 2,5 тыс.кв.м пераможца таргоў таксама атрымае права арэнды зямельнага ўчастка плошчай каля 89 сотак на 50 гадоў.
Палац будаваўся ў 1770-я гады як медыцынская акадэмія. Пасля Станіслаў Аўгуст Панятоўскі падарыў будынак князям Чацвярцінскім. З сярэдзіны XIX стагоддзя князі частку палаца здавалі ў арэнду паштова-тэлеграфнай канторы, а пазней — інтэрнату Другога армейскага корпуса і ўпраўленню павятовага вайсковага начальніка. Амаль да самага пачатку Другой сусветнай вайны шэраг памяшканняў выкарыстоўваўся пад здымныя кватэры. У адной з такіх кватэр у 1890 г. нарадзіўся вядомы польскі археолаг і нумізмат, заснавальнік Гродзенскага гісторыка-археалагічнага музея Юзаф Ядкоўскі. Амаль адразу пасля заканчэння Другой сусветнай вайны палацавы комплекс быў перададзены ваеннаму суду і камэндатуры Гродна, дзе яны і размяшчаліся да 2014 года.
"Пяльменная 1961" пачала працу на Савецкай, 23 у суботу, 22 лютага. Установа адкрылася на тым…
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…