Дадаць навіну
Панядзелак, 11 снежня 2017, 23:17

Рэканструкцыя Старого замка: мінскія спецыялісты ўмацоўваюць замкавую гару па фінскай тэхналогіі

Рэканструкцыя Старога замка ў Гродне працягваецца. З пачатку лістапада на аб’екце працуюць спецыялісты мінскай арганізацыі «Геополимер», якія займаюцца ўмацаваннем грунту замкавай гары. Таксама ідзе будаўніцтва часовага моста. А ва ўнутраным двары замка штодня працуюць археолагі.

Раскопкі на тэрыторыі замкавага комплексу вядуцца ў любое надвор’е. Амаль кожны дзень гродзенскія археолагі нешта знаходзяць. Пакуль што самыя гучныя знаходкі – шахматная фігурка і залаты пярсцёнак.

Чытайце яшчэ:  На раскопках на Старым Замку знайшлі залаты пярсцёнак

Ужо два тыдні спецыялісты арганізацыі «Геополимер» ўмацоўваюць гару па фінскай тэхналогіі.

“Мы ўшчыльняем грунт, які паслужыць падмуркам для замка. Заганяем у грунт спецыяльныя трубкі ад 3 да 9 метраў . Яны дапамагаюць даставіць на глыбіню адмысловы раствор – геапалімерныя смолы, якія хутка расшыраюцца. Наш раствор на глыбіні пашыраецца, ідзе па слабых месцах грунту і ўшчыльняе яго”, – распавёў аператар помпавай устаноўкі Віктар Навіцкі.

Усяго ў грунт плануцца загнаць каля 680 трубак, а па іх каля 7 тон раствора.

Таксама на тэрыторыі замкавага комплексу зараз поўным ходам ідзе будаўніцтва часовага моста, на якім неўзабаве з’явіцца драўляны насціл.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

0

Spelling error report

The following text will be sent to our editors: