Аб’яднанне раварыстаў «ВелаГродна» 9 лістапада прэзентавала сваю аматарскую каманду па маўнцiнбайку. Каманда існуе ўжо шмат гадоў, але сёлета ў яе з’явілася афіцыйная форма, а таксама планы і перспектывы на будучыню.
Гродзенцы прывыклі, што «ВелаГродна» займаецца пераважна арганізацыяй веламерапрыемставаў, а таксама праблемамі інфраструктуры ў горадзе. Тое, што ў арганізацыі ёсць свая каманда, якая паспяхова выступае на міжнародным узроўні, ведаюць адзінкі.
Апошнія гады гродзенская каманда рэгулярна выступае ў польскіх спаборніцтвах «Maratony Kresowe». У 2017 годзе гродзенцы па выніках сезона занялі 6-е агульнакаманднае месца з 61-й каманды. Для «ВелаГродна» польскія спаборніцтвы зручныя тым, што праходзяць у краіне-суседцы, а вядомы гродзенскi веламарафон «Суседзi» уваходзіць у адзін з этапаў.
[irp posts="28 080″ name="707 раварыстаў сабраў VII міжнародны веламарафон «Суседзі""]
«Каманда ў нас арганізавалася дзевяць гадоў таму. Калі мы даведаліся, што ў суседняй Польшчы праходзяць спаборніцтвы, дык паехалі, паўдзельнічалі і нам спадабалася, — распавядае прадстаўнiк каманды Іван Найдзёнаў. — З тых часоў мы і ўцягнуліся ў маўнцiнбайк».
Сёлета ўпершыню раварысты зрабілі сваю форму з сімволікай Гродна і зараз стараюцца максімальна рэкламаваць сваю каманду, запрашаць людзей і шукаць спонсараў для папулярызацыі і развіцця.
Касцяк — 16 чалавек. У мінулым гэта роварысты, якія займаліся прафесійным спортам. Адзін з самых вопытных спартсменаў у камандзе — Ягор Прасвірын, які раней займаўся прафесійна шасэйным веласпортам.
«Другі год я сур’ёзна займаюся ў дысцыпліне крос-кантры. Падрыхтоўка і ўдзел у спаборніцтвах патрабуюць шмат часу i сродкаў, хоць гэта і аматарскія спаборніцтвы. З часам я стаў падцягваць і сям’ю да гэтага накірунку. Сёння наша каманда можа сябе паказаць і канкураваць не толькі ў дваровых гонках, але і на міжнародным узроўні».
Сёння асноўная праблема каманды — фінансавыя пытанні. На ўдзел у спаборніцтвах у спартсменаў-аматараў сыходзіць за сезон каля 500 долараў і гэта без уліку замены запчастак у ровары.
Гродзенскую каманду называюць кузняй гоншчыкаў для іншых каманд, у тым ліку і польскіх. Аднак, гродзенская каманда не хоча так проста адпускаць сваіх спартсменаў і будуе сур’ёзныя планы на будучыню.
«Пакуль жа мы існуем за членскія ўнёскі, а таксама за кошт спонсараў, якія нам дапамаглі ў гэтым годзе выглядаць трохі ярчэй, — кажа прадстаўнік аб’яднання Юлія Каляда. — Марым знайсці спонсараў, якія б нам рэальна дапамагалі пры пастаянным удзеле ў спаборніцтвах для тых, хто хоча быць з намі ў аб’яднанні».
Маўнцiнбайк (mountain-bike) — від роварнага спорту, які з’явіўся ў сярэдзіне XX стагоддзя. Для гэтага кірунку выкарыстоўваюцца ровары са спецыяльнай рамай і шырокімі коламі. Такія ровары і называюцца маўнцiнбайкамi. Гродзенская каманда прытрымліваецца дысцыпліны «крос-кантры» — гэта гонкі па перасечанай мясцовасці са спускамі, зацяжнымі ўздымамі, хуткаснымі і тэхнічнымі ўчасткамі.
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…