Людзі і справы

«Скачок калегі ўсіх нас падштурхнуў». Кіроўцы гродзенскіх аўтобусаў рыхтуюць калектыўную скаргу

Калегі кіроўцы аўтобуса, які 4 лістапада кінуўся з моста ў Нёман, рыхтуюць калектыўную скаргу ў вышэйшыя дзяржаўныя органы Беларусі. Яны адкрыта заяўляюць, што скокнуць у раку мужчыну прымусілі ўмовы працы. Афіцыйная прычына здарэння пакуль не называецца.

Кіроўцы аўтобуснага парка ў Гродне просяць праверыць іх працадаўцу і дапамагчы аднавіць справядлівасць у адносінах да супрацоўнікаў.


Нагадаем, 4 лістапада кіроўца маршрута № 21 спыніў аўтобус з пасажырамі пасярэдзіне Старога моста і скокнуў з вышыні 30 метраў у ваду. Мужчыну выратавалі, ён ачуняў у бальніцы хуткай медыцынскай дапамогі. Зараз ён у рэанімацыі, яго стан ацэньваецца як стабільна цяжкі.


Меркаванні кіроўцаў падзяліліся: тыя, каму да пенсіі засталося няшмат, будуць маўчаць, а маладыя гатовыя пра ўсё расказаць, растлумачыў Hrodna.life сітуацыю кіроўца Іван [імя зменена па просьбе героя].

«Скачок у ваду калегі ўсім нам даў штуршок сабрацца і даць адпор. Да нас дайшлі чуткі, што хочуць агучыць версію, быццам ён скокнуў у ваду з-за праблем у сям'і і аўтапарк тут ні пры чым. Учора рэкамендавалі ўсім казаць журналістам, што ён нібыта скардзіўся на праблемы ў сям'і. Але ў нас меркаванне зусім іншае на гэты конт».

З-за графіку працы «едзе дах»

Іван распавядае, што скаргу плануюць адправіць генеральнаму пракурору і ў адміністрацыю прэзідэнта. У прыкладзеных да скаргі дакументах гатовыя падпісацца некаторыя кіроўцы аўтобуснага парка.

«Праблем у нас хапае. Тыя, хто спрабаваў раней выказаць сваю незадаволенасць, ужо ў аўтобусным парку не працуюць. Шмат у каго „дах едзе“ з такім графікам працы. У нас бывае так: ты прыязджаеш у 9 гадзін вечара, пакуль памыў аўтобус, зрабіў усе справы — прыязджаеш дадому каля 11. У 12 трэба спаць, а ў 4 раніцы ўжо ўставаць на змену. І яшчэ, мы лічымся на працы не кіроўцамі аўтобусаў, а аўтамабіляў, а пасля гэтага вельмі цяжка ўладкавацца на новую працу».

Планавалі забастоўку, але спужаліся пагроз

Таксама Іван адзначае, што кіраўніцтва парку сістэматычна прымушае кіроўцаў выходзіць у свае выходныя за голы аклад без падвойнай аплаты, адгула ці дадатковага дня да адпачынку.

«За перапрацоўку мы не атрымліваем дадатковай аплаты і вымушаныя працаваць за самую нізкую стаўку без нашай згоды. Можна сказаць, калектыў знаходзіцца пад прыгнётам кіраўніцтва і пастаяннымі пагрозамі звальнення. Мы возім людзей пры жорсткіх парушэннях нашых правоў на адпачынак, наша кіраўніцтва не плаціць нам за гэта годна».

У пачатку восені некаторыя кіроўцы планавалі зладзіць забастоўку і перакрыць КПП, каб не даць аўтобусам выехаць у горад. Аб плане даведалася кіраўніцтва: завадатараў выклікалі і пагражалі звальненнем.

Hrodna.life не ўдалося атрымаць каментарый у кіраўніцтва аўтобуснага парка: тэлефон прыёмнай 6 лістапада не адказваў. Мы задамо свае пытанні дырэктару адразу пасля выходных.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025