Спадчына

У Гродне за грошы ЕС адкрыюць цэнтр рэстаўрацыі спадчыны

Цэнтр па даследаванні і рэстаўрацыі з’явіцца ў гісторыка-археалагічным музеі ў Гродне. Адкрыццё запланавана на 2020 год. Праект будзе рэалізаваны ў межах праграмы трангранічнага супрацоўніцтва «Польшча-Беларусь-Украіна», якую фінансуе Еўрасаюз.

Цэнтр рэстаўрацыі адкрыецца ў будынку на Акадэмічнай, 16. Партнёрам, разам з якім гродзенскі музей напісаў праект стварэння рэгіянальных цэнтраў даследавання спадчыны, з’яўляецца Падляшскі музей у Беластоку. На рэалізацыю праекта музеі атрымаюць 1,2 млн еўра. Таксама яны абавязкова павінны будуць унесці свой грашовы ўклад.

Навошта патрэбны цэнтр?

У Гродзенскім гісторыка-археалагічным музеі захоўваецца каля 200 000 прадметаў - гэта адна з самых буйных калекцый у Беларусі. Але стан многіх прадметаў не дазваляе паказваць іх у экспазіцыі - яны патрабуюць рэстаўрацыі. Такіх рэчаў у музеі 16 000 або каля 8% ад усяго.

У той жа час, у рэгіёне не хапае экспертаў, адмысловай тэхнікі і прыстасаванняў для рэстаўрацыі. Выхад — у адкрыцці цэнтра рэстаўрацыі, расказалі ў эфіры Гродзенскага тэлебачання.

www.youtube.com/watch?v=Iv6p5LGc3Y4

Хто будзе працаваць у цэнтры?

Зараз у музеі працуюць чатыры спецыялісты. Не хапае таксідэрміста, рэстаўратара па скуры, тканінах і паперы. Гэтых спецыялістаў возьмуць на працу акурат дзякуючы падтрымцы Еўрасаюза.

Што яшчэ прафінансуе ЕС у Гродне?

У межах гэтага ж конкурса Гродна разам з польскай Саколкай атрымаюць грошы на турыстычны «Шлях Тызенгаўза» і рэстаўрацыю будынкаў - у Гродне праект дазволіць рэстаўраваць былы архіў на плошчы Тызенгаўза пад галерэю, культурны цэнтр і залу афіцыйных прыёмаў.

[irp posts="37 581″ name="Амаль 2 млн еўра атрымаюць Гродна і Саколка на «Шлях Тызенгаўза""]

Агулам сярод 17 падтрыманых праектаў на Гродзеншчыне будуць рэалізаваныя тры. Трэці праект будзе рэалізаваны ў Шчучыне — там рэканструююць стадыён.

Падзяліцца

Апошнія запісы

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025