У кастрычніку пачынаецца Сусветны месяц барацьбы супраць рака грудзей, які быў абвешчаны Сусветнай арганізацыяй аховы здароўя (СААЗ) у 1993 годзе. Акрамя таго, штогод 15 кастрычніка, у 44 краінах свету праводзіцца Сусветны дзень барацьбы з ракам малочнай залозы. У Гродне на гэты час запланаваны шэраг адукацыйных імпрэзаў і абследванняў для гарадзенак.
| № | Тэма лекцыі, трэнінгу | Месца правядзення | Дата |
| 1. | Пухлінавыя захворванні ў жанчын. Будова і функцыі малочнай залозы. Прычыны і фактары, якія ўплываюць на ўзнікненне наватвораў (лекцыя) | «Дзіцячая паліклініка № 2 г. Гродна», вул. Гагарына, 18 | 18.00 |
| 2. | Жаночае здароўе: захворванні, папярэджанне развіцця рака малочнай залозы (лекцыя-семінар).13.10.2017г. 18.00 ч. | «Гродзенская абласная навуковая бібліятэка імя. Карскага «, вул. Замкавая, 20 | 18.00 |
| 3. | 3. Што трэба ведаць пра рак малочнай залозы. Клінічныя прыкметы раку малочнай залозы (лекцыя) | «Гродзенская абласная навуковая бібліятэка імя. Карскага «, вул. Замкавая, 20 | 18.00 |
| 4. | Меры прафілактыкі рака малочнай залозы. Сучасныя метады дыягностыкі. Самаабследванне малочных залозаў (лекцыя-трэнінг). | «Дзіцячая паліклініка № 2 г. Гродна», Вул. Гагарына, 18 | 18.00 |
Таксама ў Дзіцячым хоспісе можна будзе прайсці абследванне малочных залозаў. 21 і 28 кастрычніка ад 11 да 14 гадзін лекары-анколагі будуць гатовы прыняць усіх ахвотных па арасу вул. Гагарына, 18.
Арганізацыяй месяца барацьбы супраць раку грудзей займаюцца грамадская дабрачынная арганізацыя Гродзенскі дзіцячы хоспіс, Дзіцячая паліклініка № 2, Гродзенскі дзяржаўны медыцынскі універсітэт, Гарадская клінічная бальніца № 3 — аддзяленне Хоспіс, Гарадзенская абласная клінічная бальніца, анкалагічны дыспансер і Цэнтр Дапамогі Жыццю.
