Пасля сенсацыйнай паразы ў Брэсце ў рамках чэмпіянату Беларусі гродзенскі «Нёман» рэабілітаваўся і ў Мінску 28 верасня абыграў зборную «U20» з лікам 4:0.
У складзе чырвона-чорных дубль аформіў Арцём Кіслы, таксама вызначыліся Міхаіл Стэфановіч і Арцём Ляўша.
Галы:
16.51 0:1 — Стэфановіч (Ляўша, Еронаў)
35.56 0:2 — Ляўша (Кіслы, Рэмезаў)
39.09 0:3 — Кіслы (Ляўша, Рэмезаў)
51.43 0:4 — Кіслы (Марчанка, Ляўша)
Галоўны трэнер «Нёмана» Сяргей Пушкоў на пасляматчавай прэс-канферэнцыі адзначыў, што трэці перыяд у гульні з «U20» спадабаўся яму больш за ўсё.
«Гульня атрымалася для нас трохі цяжкай. Былі неапраўданыя выдаленні, у выніку часта гулялі ў меншасці. На працягу двух перыядаў гульня складвалася не так добра, як хацелася б. Але ў трэцяй дваццаціхвілінцы мы зайгралі ў свой хуткі, актыўны хакей, рэалізавалі вялікую колькасць момантаў. Каманда „U20“ — гэта маладыя хлопцы, якія імкнуцца, б’юцца ва ўсіх момантах, паказваюць усё, на што яны здольныя. Лічу, што сёння яны выглядалі нядрэнна».
Пасля перамогі ў Мінску гродзенская каманда працягвае займаць трэці радок у турнірнай табліцы і мае ў сваім актыве 17 ачкоў. У «Шахцёра» і «Юнацтва» па 20.
Наступны матч у чэмпіянаце «Нёман» правядзе 7 кастрычніка супраць «Шахцёра» — будзе прымаць салігорскую каманду ў Гродне.
3-га кастрычніка «Нёман» адправіцца ў Фінляндыю, дзе правядзе чарговы матч Лігі Чэмпіёнаў супраць каманды «Ювяскюля».
Grodno Coffee Festival пройдзе ў Гродне з 15 па 29 красавіка. У фестывалі возьмуць удзел…
У былым палацава-паркавым комплексе ў Свяцку працягваецца рэстаўрацыя. Будынка прыстасоўваюць пад шматфункцыянальны комплекс «Свяцк». "Гроднажылбуд"…
Пасуткава арэнда кватэры на тры дні з 1 па 4 траўня ў Гродне можа абыйсціся…
Са Слоніма ў Варшаву і Беласток запусцілі аўтобусныя рэйсы. Праўда, толькі па няцотных днях. Аўтобус…
Былыя яслі на Васілька, 5, дзе раней хацелі адкрыць сацыяльны цэнтр, перабудуюць пад шматкватэрны малапавярховы…
Вадалазы абследуюць месцы для купання ў Гродне і ачысцяць іх ад смецця і старонніх прадметаў.…