Горад

«Залаты ключык» адкрыў 37-ы сезон Тэатра лялек

Сядзець дома і сумаваць калі ізе дождж? Гэта не дла аматараў тэатра. Тым больш у дзень адкрыцця тэатральнага сезону. Хаця надвор’е 3 верасня было халодным, настрой у залі - нават вельмі цёплым. Сюрпрызам для гасцей імпрэзы стала сумеснае маляванне лялькі, якую потым адпусцілі ў неба. Неспадзянкаю для артыстаў - візіт кампазітара Паўла Кандрусевіча, аўтара музыкі да «Залатога ключыка», якім адкрывалі сезон.

Пакуль дзеці бавіліся з лялькамі перад спектаклем, мы распыталі Марыю Шабашову, дырэктарку тэатра, аб планах на новы сезон.

Планы на 37-ы сезон

«Пачалі мы яго вельмі актыўна. Ужо 1 верасня адбылося „дарослае“ адкрыццё, зараз — першая сустрэча з маленькімі гледачамі. Артыстаў чакае шмат працы. Ужо праз пару дзён „Чайка“ і „Демон“ паедуць на гастролі ў Расію. Іх чакаюць у Разані, Маскве, Мыцішчах. У кастрычніку прадставім „Чайку“ на фестывалі ў Санкт-Пецярбургу, пасля будуць гастролі ў Омску і фестываль „На островах чудес“ на Сахаліне. Там прадставім „Фаўста“ і „Трагедыю пра Макбета“.


„Чайка“ — камедыя. А дзе смяяцца? Як гарадзенскім аматарам сцэны прафесійна паглядзець прэм’еру


У Мінску будзем удзельнічаць у фестывалі „ТеАрт“. У лістападзе пройдзе Нацыянальны фестываль беларускай драматургіі ў Бабруйску, там прадставім „Камедыю Юдзіф“.

[irp posts="28 561″ name=""Сюр мае быць сюрам». Мастачка расказала пра смешных лялек з нясмешнай «Камедыі Юдзіфі""]

Але мясцовыя аматары тэатру могуць не хвалявацца, што артысты пакінуць іх без увагі. «Гродненскія гледачы для нас — самыя галоўныя. Ужо ў верасні нашы дарослыя пабачаць «Чайку», з гасцей будзе фестываль шансону і гастролі Слонімскага тэатру. Пазней у гэтым сезоне па просьбах гледачоў пакажам «Візіт старой дамы» і «Золоченые лбы».

[irp posts="20 172» name="Як мужык цара «обмакулил, омманул» раскажуць «па-архангельску» ў Тэатры лялек"]

Маленькіх таксама чакаюць казкі. Ужо пачалася падрыхтоўка новага спектакля аб міжгалактычных прыгодах Незнайкі і нават абмеркаванне навагодніх імпрэзаў. Таксама новы сезон адзначыцца гастролямі ў Гродне Мінскага і Брэсцкага тэатраў лялек.

«Залаты ключык» — найлепшая прылада для адкрыцця тэатральнага сезона

Таямнічы госць адкрыцця

Пра тое, што першы спектакль сезона наведае стваральнік музыкі да яго, ніхто наперад не ведаў. «Спецыяльна нікому не казаў, каб не хваляваць артыстаў. Але хацелася праз амаль 20 год пабачыць, як жыве спектакль, узгадаць былыя адчуванні», — распавёў кампазітар Павел Кандрусевіч.

youtu.be/qp2a1ChUUTg

Музыка была напісана яшчэ ў 90-х, калі ствараўся мюзікл і ад той пары ён спектакля не бачыў. «Зараз тэхналогіі дазваляюць і праз інтэрнэт паглядзець з любога месца свету. Але я — класічны музыкант па прафесіі, то не ўспрымаю тое, што ідзе „пад фанеру“. Хацелася скарыстацца нагодай і паслухаць жывы гук. Толькі жывое можна па-сапраўднаму ацаніць».

Праўда, да канца імпрэзы захаваць інкогніта кампазітару не ўдалося. Пасля спектакля «рассакрэчанага» госця запрасілі на сцэну да артыстаў і прадставілі публіцы.

Сезон адкрыты. Палёт нармальны

Ляльку, што малыя тэатралы намалявалі разам у канцы імпрэзы, адпусцілі ў неба. Тым палётам і адкрылі канчаткова 37-ы тэатральны сезон.

Падзяліцца

Апошнія запісы

У цэнтры Гродна адкрылася пяльменная — у назве ёсць адсылка на легендарнае кафэ, якое любілі гродзенцы

"Пяльменная 1961" пачала працу на Савецкай, 23 у суботу, 22 лютага. Установа адкрылася на тым…

23 лютага 2025

«Пекла на зямлі». Гродзенка падзялілася, як працуе кадастравае агенцтва падчас рамонту

Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…

21 лютага 2025

У конкурсе «Гродна Азот» да Дня роднай мовы паўдзельнічалі два пенсіянеры і ідэолаг

Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…

21 лютага 2025

У Польшчы закрылі справу аб давядзенні беларускага экс-палітвязня да самагубства

Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…

21 лютага 2025

Дырэктара прадпрыемства з Ваўкавыскага раёна судзяць за разгалашэнне службовай таямніцы

Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…

21 лютага 2025

Сыркі «Малочнага Міру» не спадабаліся МАРГ — там знайшлі прапаганду нацызму

"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…

21 лютага 2025