Святары Пакроўскага кафедральнага сабора адслужылі на мове арыгінала акафіст «Пресладкому їмени Господа нашего Іісуса Хріста» складзены Францішкам Скарынам. Адбылося гэта на руінах Ніжняй царквы Старога замка. Малітва прайшла 3 верасня, у межах святкавання Дня беларускага пісьменства і 500-годдзя Беларускай Бібліі.
Каля гадзіны святары i вернiкi прабылі на руінах старажытнага храма, дзе маліліся і чыталі акафіст, складазенный першым беларускім друкаром.
«Калі ўважлiва чытаеш яго акафіст, то разумееш, наколькі набожным быў Францыск Скарына, наколькі ён сам перажываў блізкасць да Бога, — распавядае айцец Георгій Рой. - Слова Божае — жывое. І наш першадрукар выдаваў гэтае слова Божае не для таго, каб яно было проста помнікам, а каб яно жыло».
Апошні раз, як узгадвае айцей Георгій, святары маліліся на руінах Ніжняй царквы каля пяці гадоў таму. Гэтым разам малітва таксама спачатку планавалася ў саборы.
«Мне здаецца, нам трэба часцей збірацца на руінах Ніжняй царквы, бо гэта не простае месца. Я пагутару з Уладыкам пра тое, каб нам неяк дазволілі правесці тут і літургію. Я лiчу, што гэта патрэбная і правільная справа».
