Спадчына

Турыстычны маршрут для кінаманаў у Гродне пазначаць малюнкамі на сценах, крылатымі фразамі і знакавымі прадметамі з фільмаў

Унікальны маршрут па Гродне не проста правядзе турыстаў па месцах, дзе адбываліся здымкі вядомых кінастужак. Ён дазволіць успомніць самыя яркія моманты гэтых фільмаў. Канцэпцыю зараз распрацоўваюць спецыялісты, піша «Гродзенская праўда».

— У розных месцах здымак можна будзе ўбачыць прадметы з фільма. Такім, напрыклад, з’яўляецца стары калодзеж з усімі любімай камедыі «Белыя Росы». У іншых з’явіцца малюнак на сцяне будынка, на якім нібы ажыве кадр з фільма. Некаторыя месцы здымак пазначым таксама крылатай фразай з фільма, якая атрымала шырокую вядомасць, — расказала першы намеснік начальніка галоўнага ўпраўлення ідэалагічнай работы, культуры і па справах моладзі Гродзенскага аблвыканкама Алена Клімовіч.

У маршрут увойдзе і створаная кінаалея, на якой у адным месцы можна даведацца аб кінематаграфічнай гісторыі горада. У Гродне жадаючыя таксама змогуць неўзабаве наведаць экспазіцыю аб кінагісторыі горада ў яго найстарэйшым кінатэатры «Чырвоная зорка».

Толькі паводле папярэдніх падлікаў, на вуліцах Гродна і ў наваколлі было знята больш за 50 фільмаў. Дзякуючы чарадзе кінастужак, многія з якіх сталі класікай, горад нават сталі называць «беларускім Галівудам». У ліку найбольш вядомых «Міколка-паравоз», «Я родам з дзяцінства», «Хрыстос прызямліўся ў Гародні», «Бронзавая птушка», «Ясь і Яніна», «Раскіданае гняздо», «Мяне клічуць Арлекіна», «У жніўні 44-га «, «Сляды апосталаў». Многія жыхары рэгіёну розных пакаленняў памятаюць пра свой удзел у здымках гэтых і іншых кінастужак.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025