Людзі і справы

«У нашых гарадоў усё толькі пачынаецца». Мэр славацкай Жыліны прыехаў знаёміцца з Гродна

Славацкая дэлегацыя на чале з мэрам горада Жыліна Ігарам Хома два дні гасцявала ў Гродне. За гэты час іх пазнаёмілі з горадам і рознымі ўстановамі, таксама адбылася сустрэча з кіраўніцтвам Гродна і вобласці. Са свайго боку славакі прывезлі ў Беларусь не толькі цікавыя ідэі супрацоўніцтва, але і выставу трох вядомых фатографаў з Жыліны, якую размясцілі ў кірсе.

У маі 2017 года паміж Гродна і Жылінай была падпісаная дамова аб усталяванні міжрэгіянальных сувязяў. Да гэтага Гродзенская вобласць была звязана Дагаворам аб сацыяльна-эканамічным, навукова-тэхнічным і культурным супрацоўніцтве з Жылінскім краем. Беларуская дэлегацыя на чале са старшынёй гарвыканкама Мечыславам Гоем ужо ездзіла ў Жыліну для знаёмства. А зараз славакі прыязджалі ў Гродна.

У першы дзень госці азнаёміліся з адукацыйным і турыстычным патэнцыялам горада, ім прэзентавалі магчымасці бязвізавага рэжыму. У другі дзень славацкую дэлегацыю прынялі ў сябе кіраўнікі горада і вобласці. А вечарам гэтага ж дня ў Лютэранскай кірсе адкрылася выстаўка жылінскіх фатографаў. Там жа прайшоў канцэрт арганнай музыкі славацкага арганіста Марыяна Мушкі.

Падчас канцэрту ў Лютэранскай кірсе. Старшыня Гродзенскага гарвыканкама Мечыслаў Гой, мэр горада Жыліна Ігар Хома і Надзвычайны i Паўнамоцны пасол Славакіі ў Беларусі Ёзэф Мiгаш
«Гродна нам падабаецца і мы рады супрацоўніцтву з гэтым горадам. Каб гродзенцы мелі больш уяўлення аб славацкай Жыліне, мы прывезлі з сабой выставу пра наш горад, — распавядае Ігар Хома. — Гэта фотаздымкі з жыцця звычайных людзей і з розных месцаў нашага горада. Аўтары гэтых фатаграфій — тры вядомыя фатографы Жыліны.

Выстава гэта пачатак нашага супрацоўнiцтва з Гродна. У нашых гарадоў толькі ўсё пачынаецца, бо тры месяцы таму з мэрам Гродна мы падпісалі пагадненне аб пабрацімскіх адносінах. Будзем наладжваць сувязь у галіне культуры, спорту і турызму, у эканамічнай і адукацыйнай сферах. Бліжэйшая задача — прывезці ў Гродна славацкіх бізнесменаў і прадпрымальнікаў на выставу Еўрарэгіён «Нёман».

Акрамя мэра горада Жыліна Ігара Хома ў славацкую дэлегацыю ў Гродне ўваходзіў і Надзвычайны і Паўнамоцны Пасол Славакіі ў Беларусі Ёзэф Мiгаш. Яшчэ раней дыпламат заяўляў, што Славакія гатовая інвеставаць у Беларусі ў сферы энергетыкі і абыходжання з адходамі. Таксама славакаў цiкавiць беларуская сельская гаспадарка.

На сённяшнi дзень са Славакіяй супрацоўнічаюць гродзенскiя прадпрыемствы «Гродна Азот», «Агралайф», «Гродноаграiнвест» і іншыя.


Здымкі з выставы ў кірсе, прысвечанай гораду Жыліна. Выстава будзе доўжыцца два тыдні.

Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025