Людзі і справы

Пастар Уладзімір Татарнікаў: «Замежнікі едуць да нас у кірху хрысціць дзяцей — гэта нармальна»

З Германіі, Швецыі, Швейцарыі і іншых еўрапейскіх краін вязуць у Гродзенскую кірху хрысціць дзяцей. Не сказаць, што рэгулярна, але ў год у храме праходзіць па некалькі такіх хрышчэнняў. Так, 16 жніўня ў адзіную лютэранскую кірху ў Беларусі прыехала сям’я з Фінляндыі.

«Прыязджаюць замежнікі, бо хочуць хрысціць дзяцей на радзіме аднаго з бацькоў, — распавядае пастар Уладзімір Татарнікаў. — Многія хочуць, каб на хрышчэнні прысутнічалі сваякі, якiя жывуць у Беларусi. Бывалі выпадкі, што прыязджалі хрысціць дзіця нават і тыя людзі, якія ніяк не звязаныя з нашым горадам. Гэта могуць быць дыпламаты, якія працуюць у Беларусі, а таксама людзі, якія проста выбралі месцам для хрышчэння свайго дзіцяці менавіта адзіны ў Беларусі лютэранскі храм».

Пара з Фінляндыі Яўгенія і Яннэ звязалася з пастарам Уладзімірам праз электронную пошту. Дамовіліся, прыехалі і пахрысцілі маленькую дзяўчынку. Хрышчэнне праходзіла на рускай мове. Але пастар Уладзімір адзначае, што часам просяць пахрысціць дзіця на нямецкай ці англійскай мовах.

«Тое, што замежнікі едуць да нас у кірху хрысціць дзяцей, гэта нармальная з’ява. І не абавязкова ў нас хрысцяць сваіх дзяцей менавіта лютэране, гэта могуць быць людзі розных веравызнанняў. Але часцей за ўсё да нас прыязджаюць госці менавіта з Германіі, а таксама скандынаўскіх краін, дзе большая частка насельніцтва — пратэстанты».

Пастар Уладзімір адзначае, што час ад часу ў кірсе праходзіць хрышчэнне таксама і мясцовых лютэран, якіх у Гродне не надта шмат.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025