Юбілейная, ХХХ трансмежная велагонка фінішуе ў Гродне 22 ліпеня. Спаборніцтвы праходзяць у 5 этапаў з індывідуальнымі і групавымі стартамі. Удзельнічаюць у заездах больш сотні спартсменаў з Расіі, Украіны, Малдовы, Польшчы, Літвы і Беларусі.
Этап гонкі, што злучае Беласток з Гродна, складае 80 кіламетраў і проходзіць праз мяжу. Сёлета спартсмены пройдуць памежны пункт пропуска не спыняючыся. Пашпартны кантроль прадугледжаны на старце заезда. Чакаецца, што даехаць да фініша раварысты змогуць да 13.00 – 14 гадзін. Сустракаць іх будуць на вуліцы Парыжскай Камуны ў раёне гарадской гімназіі. Працяг спаборніцтваў пройдзе 23 ліпеня, а па сканчэнні усіх заездаў на Савецкай плошчы адбудзецца ўзнагароджанне пераможцаў.
У сувязі з правядзеннем спаборніцтваў 22 і 23 ліпеня ў горадзе на маршрутах велагонкі будзе перыядычна абмяжоўвацца рух транспарту, паведамляе ГАІ Гродна.
22 ліпеня, старт у 11.00
Маршрут руху:
г. Сакулка – ПП Кузніца / Брузгі – в. Каробчыцы – г. Гродна ул.В. Соламавай – вул. Ткацкая. Далей спартсмены праедуць 3 кругі па наступных участках – в. Адамавічы – в. Падлабеньне – в. Трычы – вул. Ткацкая, вул. Савецкіх Памежнікаў – Гарнавых – вул. Парыжскай Камуны (фініш).
22 ліпеня старт у 17.00 ( індывідуальная гонка на 17 км.)
Маршрут руху:
в. Трычы – в. Сафіёва – В. Канюхі (разварот) – в. Сафіёва – в. Трычы (фініш).
23 ліпеня старт у 10.00 (групавая гонка км 80)
Маршрут руху :
пл. Савецкая – вул. Савецкіх Памежнікаў – вул. Ткацкая. Далей спартсмены праедуць 2 кругі па участках – в. Падлабеньне – в. Рацічы – в. Гіновічы – в. Канюхі – в. Сафіёва – в. Трычы – г. Гродна вул. Ткацкая, вул. Савецкіх Памежнікаў, вул. С. Баторыя (фініш).
Таксама ў сувязі з праходжаннем спартсменаў праз памежны пераход “Брузгі” магчымы некаторыя затрымкі ў руху.