Сёлетні веламарафон «Суседзі» збярэ раварыстаў з Беларусі і бліжэйшага замежжа 15 ліпеня. Паўдзельнічаць у спаборніцтвах зможа любы ахвотны — трэба толькі ровар і шлем. Традыцыйна прапануюцца тры дыстанцыі - «Марафон» (65 км), «Паўмарафон» (39 км) і «Міні-марафон» (7 км). Пераможцы будуць вызначацца ў 36 заліковых катэгорыях і атрымаюць памятныя прызы і падарункі. Узяць удзел у марафоне могуць таксама каманды.
Падлеткі ва ўзросце ад 14 да 18 гадоў могуць выйсці на старт пры наяўнасці распіскі ад аднаго з бацькоў (апекуна), дзеці да 14 гадоў - пры ўмове ўдзелу аднаго з бацькоў (апекуна). Таксама ў рамках мерапрыемства адбудзецца Дзіцячы велазаезд, на які запрашаюцца самыя маленькія спартсмены на бегавелах і роварах.
Акрамя спаборніцтваў, гасцей мерапрыемства будуць чакаць розныя забавы для дарослых і дзяцей, выязны гандаль і маляўнічыя ваколіцы Аўгустоўскага канала.
Веламарафон «Суседзi» праводзіцца з 2011 года і паспеў заваяваць папулярнасць у Беларусі і за яе межамі. У 2016 у веламарафоне «Суседзi» прынялі ўдзел больш за 700 чалавек. Арганізуюць спаборніцтвы Грамадскае аб’яднанне веласіпедыстаў «ВелаГродна» сумесна з Аддзелам адукацыі, спорту і турызму Гродзенскага райвыканкама.
Больш інфармацыі пра мерапрыемства і форму заяўкі можна знайсці на сайце ООВ «ВелоГродно» па спасылцы і на афіцыйных старонках веламарафону «Суседзi 2017» у FB і ВК.
У самым цэнтры Гродна выставілі на продаж аднапакаёвую кватэру-малютку на Замкавай, 14. Усе яе вокны…
Каворкінг знаходзіцца ў гандлёва-забаўляльным цэнтры Triniti. Гэта шматфункцыянальная пляцоўка "К.І.Т.", у якой можна чытаць кнігі,…
Амаль 39 000 метраў гірляндаў і 280 000 лямпачак спатрэбіцца для ўпрыгожвання Гродна да навагодніх…
Гродзенцы паскардзіліся на недахоп артадонтаў у дзіцячай стаматалагічнай паліклініцы. Каб узяць талон да лекара, людзям…
З пачатку 2024 года ў Гродне крэміравалі 140 чалавек, тады як у 2020 годзе -…
Гродзенскія кавярні вырашылі аб’яднацца і дадаць на восень новыя гастранамічныя спалучэнні кававых напояў і дэсертаў.…