Гродзенскія дызайнеркі Барбара і Кацярына Былеўскія выступілі са сваімі калекцыямі на міжнародным конкурсе OffFashion у Кельцэ і выйгралі прыз – 2000 долараў. У паўфінале 2 чэрвеня яны патрапілі ў 20 лепшых сярод 100 удзельнікаў.
Дзяўчаты з Беларусі прадстаўлялі калекцыі “Cradle of dream” і “Made in the P.M.”. Пасля конкурсу гэтыя калекцыі атрымалі грашовы прыз ад Галерэі Echo.
Гродзенскія дзяўчаты Барбара і Кацярына вучацца на другім курсе ў Кракаўскіх Артыстычных Школах – гэта комплекс школ, дзе вучаць праектаванню вопраткі, інтэр’ераў, крэатыўнай фатаграфіі, харэаграфіі, акторскаму майстэрству і візуальнаму мерчандайзінгу. Нагляд над комплексам мае Міністэрства культуры Польшчы.
OffFashion гэта штогадовы міжнародны конкурс маладых дызайнераў, якія гатовыя прапанаваць смелыя рашэнні. У журы конкурса – прафесіяналы вышэйшага класу: модныя крытыкі, вядомыя дызайнеры, прафесары польскіх і замежных універсітэтаў.
Дзяўчыны са сваімі калекцыямі таксама занялі трэцяе месца на рэспубліканскім конкурсе “Мельница моды” ў 2017 годзе і выйгралі турнэ ў Сербію.
