Гэтым летам (28−30 ліпеня) у Беларусі пройдзе бізнес-форум «ЛIПЕНЬ.PRO». Тут кожны зможа палепшыць свае бізнес-навыкі, завязаць карысныя знаёмствы і актыўна адпачыць у атачэнні дзікай прыроды.
Два дні ўдзельнікі бізнес-форуму правядуць у намётавым лагеры ў маляўнічым месцы — рака, лес, свежае паветра, пах вогнішча і… лепшыя бізнес-практыкі!
Ад усходу да заходу ў лагеры будуць праводзіцца бізнес-трэнінгі, майстар-класы, лекцыі, дзелавыя гульні, дэбаты. Сваімі памылкамі, дасягненнямі і вопытам падзеляцца бывалыя прадпрымальнікі, бізнес-трэнеры, уладальнікі буйных бізнесаў. Кожны ўдзельнік зможа паразмаўляць з імі ў нефармальнай абстаноўцы і задаць пытанні. Адначасова будзе праходзіць некалькі бізнес-мерапрыемстваў, так што кожны зможа выбраць нішу, якая найбольш цікавая для яго бізнес-ідэі, праекта, бізнесу або стартапа.
На Лiпень.PRO можна прыехаць як камандай, так і аднаму. У гэтым годзе праграма будзе пабудавана так, што хочаш ці не, але давядзецца знаёміцца і завязваць сяброўскія адносіны з усімі ўдзельнікамі форуму. І гэта не выпадкова. Арганізатары не па чутках ведаюць, якія важныя карысныя знаёмствы ў бізнес-асяроддзі. А Лiпень.PRO — гэта якраз магчымасць завязаць сяброўскія і партнёрскія адносіны ў нефармальнай абстаноўцы з актыўнымі людзьмі нашай краіны. На форуме будзе больш за 200 удзельнікаў-смелыя, гатовыя дасягаць пастаўленых мэтаў. Акрамя таго, як паказаў вопыт бізнес-форуму мінулых гадоў, дзелавыя знаёмствы з аднадумцамі часта перарастаюць у партнёрствы, новыя бізнесы і нават сямейныя адносіны.
А як жа адпачынак? Тут таксама кожны зможа выбраць тое, што яму больш падабаецца — спартыўныя гульні, турніры па валейболе, квэсты, кіно пад адкрытым небам, жывы канцэрт і многае іншае.
Таксама ў гэтым годзе ў адным з адукацыйных намётаў форуму пройдзе спецыяльнае мерапрыемства «Дзень эксперта», дзе кожны зможа прадставіць сваю бізнес ідэю або бізнес-праект і атрымаць рэкамендацыі і зваротную сувязь ад экспертаў і іншых удзельнікаў, альбо знайсці членаў каманды.
Лiпень.PRO праводзіцца ГА «Таварыства садзейнічання інавацыйнаму бізнэсу» (ТСІБ), у рамках праекта «Стварэнне ўстойлівай інфраструктуры для падтрымкі развіцця стартапов і малога бізнесу ў рэгіёнах Беларусі», які рэалізуецца ТСІБ пры падтрымцы Агенцтва ЗША па міжнародным развіцці (USAID).
