Здароўе і спорт

Брэсцкае «Дынама» ў Гродне стала ўладальнікам Кубка Беларусі

Салігорскі «Шахцёр» і брэсцкае «Дынама» ў нядзелю 28 мая на гродзенскім ЦСК «Нёман» змагаліся за Кубак Беларусі. Асноўны і дадатковы час матчу скончыўся пры ліку 1:1. Толькі ў серыі пенальці паўднёўцы змаглі абыграць «Шахцёр» і стаць уладальнікамі Кубка.

Гродна падарыў сапраўднае свята фіналістам Кубка Беларусі. Для заўзятараў з Салігорска і Брэста ў гэты дзень тут было ўсё: пачынаючы ад добрага надвор’я ды канцэрта NaviBand і сканчаючы сапраўднай футбольнай атмасферай.

Галоўная падзея дня — футбольны матч — выдаўся цікавым. Гродзенскі стадыён даўно не бачыў такой колькасці гледачоў - квіткі былі выкупленыя ўсе. Умяшчальнасць стадыёна — больш за 8 тысяч чалавек.

Першы тайм прайшоў без забітых мячоў. Галы каманды забівалі толькі ў другой палове матчу. Спачатку Лiсаковiч на 69-й хвіліне патрапіў у вароты берасцейцаў. «Дынама» змагло адыграцца праз 13 хвілін, аўтарам важнага для паўднёўцаў мяча стаў гродзенец Аляксей Лягчылiн.

У дадатковы час супернікі мацнейшага не выявілі. А вось у cерыi пенальці поспех апынуўся на баку Брэста. Пераможца вызначыўся толькі пасля таго, як каманды выканалі па 10 удараў. Гулец «Шахцёра» Аляксей Янушкевіч не здолеў забіць важны мяч, які адбіў галкіпер берасцейцаў Жэрэмі Малерб.

Такім чынам, брэсцкае «Дынама» другі раз у сваёй гісторыі заваявала Кубак Беларусі і ў кваліфікацыі ў Лізе Еўропы стартуе з 2-га раўнду.

«Дынама» (Брэст) — «Шахцёр» (Салігорск) — 1: 1 (0: 0, 1: 1, 0: 0) па пенальці - 10:9

Пасля фінальнага свістка на поле пачалі выбягаць заўзятары пераможцаў, некаторыя з іх так і не дабеглі да сваёй любімай каманды і былі жорстка затрыманыя супрацоўнікамі міліцыі, якая забяспечвала парадак падчас матчу. Пасля ўмяшальніцтва футбалістаў заўзятараў адпусцілі, акрамя аднаго хлопца, якога забралі ў кайданках.

Падзяліцца
Меткі: спортфота

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025