Кола агляду ізноў з’явіцца ў Гродне, а ля аўтавакзала пабудуюць фастфуд

У Гродне плануюць усталяваць кола агляду, паведаміў карэспандэнту БЕЛТА намеснік старшыні Гродзенскага гарвыканкама Андрэй Болтрык.

Участак для ўстаноўкі атракцыёна вылучаны ў Каложскім парку. Ёсць і інвестар, які праяўляе зацікаўленасць у рэалізацыі праекта.
Свайго кола агляду ў Гродне няма ўжо каля трох дзясяткаў гадоў, раней атракцыён размяшчаўся менавіта ў Каложскім парку.

«У горадзе вызначана 20 участкаў для размяшчэння аб’ектаў грамадскага харчавання, гандлю, грамадскага прызначэння. Чатыры з іх з пачатку года ўжо былі рэалізаваны на аўкцыёне. У прыватнасці, у спальным раёне Альшанка з’явяцца два новых гандлёвых аб’екта, на вуліцы Замкавай будзе ўзведзена адміністрацыйна-гандлёвы будынак», — распавёў Андрэй Болтрык.У бліжэйшы час на таргі будзе выстаўлены ўчастак па праспекце Касманаўтаў насупраць аўтавакзала, цікавасць да яго праяўляюць прадстаўнікі вядомых сетак хуткага харчавання. Вось канцэпт магчымага будынка:

www.youtube.com/watch?v=2Yg9FDcqV6g

Яшчэ адзін аб’ект грамадскага харчавання будзе пабудаваны ў раёне лесапарку Пышкі. Для патэнцыйных інвестараў выдзелены і ўчастак пад гандлёвы комплекс у спальным раёне Альшанка.

Таксама ў Гродне працягваецца будаўніцтва буйнога гіпермаркета «Трыніці» па праспекце Янкі Купалы. Інвестпраект прадугледжвае стварэнне больш як 2,5 тыс. працоўных месцаў.