Людзі і справы

«Як адкрыліся, так і зачыніліся». Новую заакраму на Дамініканскай затапілі, а да каго звяртацца з прэтэнзіямі - невядома

У ноч з 24 на 25 красавіка па вуліцы Дамініканскай у адной з жылых кватэр прарвала стары шланг. Вада ў вялікай колькасці затапіла кватэру, а таксама размешчаную на першым паверсе заакраму, якая з’явілася тут зусім нядаўна. У кватэры ўжо пэўны час ніхто не жыве і супрацоўнікам ЖЭС у суправаджэнні міліцыі прыйшлося ўскрываць дзверы. Вада сапсавала шмат тавару ў краме, толькі скончаны рамонт прыйдзецца рабіць нанова.

Нават праз суткі пасля здарэння гаспадар кватэры так і не знайшоўся. У ЖЭСе пра ўладальніка няма ніякіх дадзеных. Суседзі кажуць, нібыта гаспадар жыве ў Маскве і рэдка прыязджае ў Гродна. Дзянiс, уладальнiк крамы, пакуль не ведае, што яму рабіць i куды звяртацца з прэтэнзіямi.

«Не прайшло і месяца, як мы адкрыліся, а ўжо прыходзіцца зачыняцца. Я прыехаў у аўторак раніцай і ўбачыў ручаёк вады. А калі адкрыў памяшканне, то мноства вады хлынула на мяне. Прыйшлося самім ліквідаваць праблему, бо аварыйная служба бяздзейнічала — яны нават не адключылі святло і ваду. Адключаў усё работнік ЖЭС. У выніку пакінулі ўвесь жылы дом без вады. У самой краме было такое пачуццё, што знаходзіўся пад дажджом», — кажа Дзянiс.

Уладальнік зоомагазіна Дзяніс паказвае адкуль цякла вада
У выніку ў Дзянiса аказалася вельмі шмат сапсаванай прадукцыі - каля 50% ад усяго тавару крамы. Падлічыць шкоду цалкам цяпер вельмі праблематычна.

«Хто жыве ў гэтай кватэры — мы дагэтуль не ведаем. Супрацоўнікі міліцыі сказалі сабраць увесь сапсаваны тавар у каробкі, апісаць і чакаць разбіральніцтваў і магчымага суда. Калі чалавек з’явіцца ў бліжэйшы час, то ёсць верагоднасць, што мы зможам з ім мірна ўсё вырашыць. Пакуль жа будзем чакаць».

Супрацоўнікі ЖЭСа кажуць, што праблема ўзнікла ў прыбіральні кватэры, дзе прарвала стары шланг. Усяго гэтага можна было пазбегнуць, калі б уладальнік кватэры перад доўгай адсутнасцю перакрыў ваду.


Падзяліцца

Апошнія запісы

У Гродне завялі спецвытворчасць на ўласніка офісніка, дзе знаходзіцца польскае консульства

Бізнэсоўца Станіслава Буйніцкага абвінавачваюць ва ўхіленні ад выплаты падаткаў у значнай суме. Яго фірма "Форт"…

31 студзеня 2025

Праз Нёман нацягнулі ліны — стала вядомая дата адкрыцця самага доўгага падвеснага моста ў Беларусі

Працягваецца рэканструкцыя падвеснага моста ў Мастах. На апорах ужо нацягнутыя ліны агульнай масай 40 тон…

31 студзеня 2025

Нерухомасць тыдня: пад Гродна прадаецца дом з вокнамі на Гродзенскае мора

У вёсцы Навасёлкі прадаюць дом проста на беразе Гродзенскага вадасховішча, з відам на Нёман. Ён…

31 студзеня 2025

Чаму ўсё ж Горадня, а не Гародня? Патлумачыў гісторык

Першая вядомая назва нашага горада - "Городенъ". Менавіта так яго называлі яшчэ ў XII стагоддзі,…

30 студзеня 2025

Квіткі ў Вільню патаннелі? Усё не так проста

Буйны агрэгатар перавозчыкаў "Атлас" абвясціў пра зніжэнне коштаў на квіткі: да канца лютага можна дабрацца…

30 студзеня 2025

На беларуска-літоўскай мяжы знайшлі тунэль кантрабандыстаў даўжынёй 25 метраў

Літоўскія памежнікі выявілі падземны ход даўжынёй 25 метраў у раёне вёскі Пашальчай, каля мяжы з…

30 студзеня 2025