У Беларусі аб’яўлены конкурс “Belarus ICT Start-up Award”. Мерапрыемства заклікана даць магчымасці для атрымання інвестыцый і фінансавання бізнесам на ранняй стадыі развіцця.
Конкурс праводзіцца ў рамках XXIV Міжнароднага спецыялізаванага форуму па тэлекамунікацыях, інфармацыйных і банкаўскіх тэхналогіях “ТІБО-2017”. Фінал конкурсу – “Дзень інвестара” адбудзецца 20 красавіка 2017 у Мінску.
Да ўдзелу запрашаюцца стартапы, інвестары і спецыялісты ў розных галінах.
Конкурс стартап-праектаў «Belarus ICT Start-up Award» праводзіцца ў тры этапы:
- Адборачны тур;
- Курс трэнінгаў для падрыхтоўкі да фінальнага мерапрыемствА «Дзень інвестара»;
- Прэзентацыя праектаў перад інвестарамі ў рамках «Дня інвестара».
Прыём заявак на ўдзел у конкурсе працягнецца да 10 красавіка (уключна), рэгістрацыя па спасылцы.
На Дні Інвестара вас чакаюць прэзентацыі стартапаў, кансультацыі з экспертамі-прадпрымальнікамі, майстар-класы па прыцягненні інвестыцый і фінансавання, прызы і шмат нэтворкінгу.
Удзельнікі, якія прайшлі папярэдні адбор, будуць праінфармаваныя пра гэта не пазней за 12 красавіка 2017.
