На Дзень Волі ў Гродне пройдзе “Бярозавы фэст”

“Бярозавы фэст” пройдзе ў Гродне на Савецкай плошчы  25 сакавіка.  Кірмаш пачнецца ў 14 гадзін. Акурат у той самы час, на які гарадскія ўлады ўзгаднілі правядзенне мітынга, прысвечанага Дню Волі_ ў Каложскім парку.

Дазвол на правядзенне мірнага мітынга быў атрыманы ўпершыню за апошнія 15 гадоў, дзякуючы кругламу сталу паміж гарадскімі ўладамі і дэмакратычнымі актывістамі. Было ўзгоднена, што мерапрыемства павінна прайсці ў форме пікета, без якога-небудзь маршу. Месца правядзення масавага мерапрыемства – Каложскі парк, каля стэлы 850-годдзя Гродна.

1

На наступны дзень пасля гэтага, 22 сакавіка, у сеціве з’явіўся Зварот заслужаных людзей Гродзеншчыны да жыхароў вобласці, старшыні СВК “Прагрэс-Верцялішкі”, героя Беларусі Васіля Рэвяка і старшыні калгаса імя В.І. Крэмко  Сяргея Крэмко. У сваім звароце яны заклікаюць “Не паддавацца на правакацыі”.

зварот ганаровых грамадзян

Адначасова зявіліся і аб’явы адб правядзенні ў Гродне  райцэнтрах кірмашоў “Бярозавы фэст”. На фестывалі анансуюць продаж бярозавіку, садовага інвентара, саджанцаў і рассады.  У Гродне кірмаш будзе праходзіць адначасова з дазволеным мітынгам, прысвечаным Дню Волі.

бярозавы фэст

Цікава адзначыць, што ў плане культурных падзей Гродзенскай вобласці на 2017 год упамінанняў пра “Бярозавы фэст” не было.

Раім пачытаць

Каментары

Spelling error report

The following text will be sent to our editors: