У Гродне бойка каля начнога клуба ў чарговы раз ледзь не скончылася гібеллю чалавека. На гэты раз медыкам удалося выратаваць пацярпелага, а чалавека, які нанёс удары, міліцыя затрымала.
Канфлікт адбыўся каля начного клуба па вулiцы Ажэшкi паміж мужчынамi 28-мі і 23-х гадоў. Гэта ўжо трэці выпадак за апошнія тыдні ў Гродне, калі каля месца правядзення дыскатэк адбылася бойка з сур’ёзнымі наступствамі.
Як паведамляе міліцыя, усё развівалася па тыповым сцэнары: наносяцца некалькі ўдараў, адзін з якіх з’яўляецца фатальным. Праз імгненне апанент аказваецца на зямлі. У гэты раз пацярпеламу пашанцавала больш, з цяжкімі цялеснымі пашкоджаннямі ён быў дастаўлены ў бальніцу. Аднак да бяды было недалёка, бо траўмы ў гэтым выпадку і ў тых, што скончыліся гібеллю, вельмі падобныя.
Падазронага затрымалі, у дачыненні да яго ўзбуджаная крымінальная справа па артыкуле «Наўмыснае прычыненне цяжкіх цялесных пашкоджанняў».
