Польская чыгунка хоча перабудаваць некаторыя вакзалы ва Усходняй Польшчы, сярод іх — беластоцкі вакзал, які з’яўляецца помнікам архітэктуры. Будаўніцтва мае пачацца ў трэцім квартале 2017 года. Частку будынка, якая не ахоўваецца дзяржавай, разбяруць. На час будаўніцтва з’явіцца часовы вакзал, піша poranny.pl.
У планах — мадэрнізацыя будынка як усярэдзіне, так і звонку, парадкаванне прылеглай тэрыторыі і прыстасаванне вакзала да патрэб людзей з абмежаванымі магчымасцямі - з’явіцца ліфт. Падрыхтоўка праекта будзе каштаваць 625 тыс. злотых (145 тыс. еўра).
Сярод ідэй — зрабіць вакзал не толькі месцам, дзе купляюць квіткі і чакаюць цягнікоў. Таварыства Kolejowe Podlasie прапануе, каб сцены ўпрыгожылі фотаздымкамі ХІХ стагоддзя і старымі планамі вакзала. Таксама вакзал можа стаць месца культурных імпрэз, перформансаў. Гэтак, на вакзале ў Гдыні працуе тэатр Teatr Gdynia Główna — у адным з памяшканняў праходзяць спектаклі, таксама працуе галерэя з фота, скульптурай, жывапісам, плакатам. Так вакзалам карыстаюцца не толькі падарожнікі, але і ўсе гараджане.
Вакзал можа таксама прыцягваць пляцоўкамі, якія там арэндуюць памяшканні. Сёння ў Беластоку самае цікавае месца на вакзале — кнігарня. Сярод ідэй — ажывіць яе сустрэчамі з аўтарамі. Іншая ідэя — зрабіць крамку з прэсай, дзе можна будзе пасядзець і выпіць кавы.
Сёння, 1 сакавіка, у Беластоку праходзіць сустрэча, на якой гараджане могуць прапанаваць свае варыянты выкарыстання будынка вакзала.
[irp posts="12 990″ name=""Зялёны" актывіст у Беластоку ледзь не заблакаваў будаўніцтва новага вакзала"]
Чыгуначны вакзал у Беластоку збудавалі ў час будаўніцтва лініі Варшава-Пецярбург у 1861 годзе ў стылі класіцызму. Адбудаваны пасля ІІ сусветнай вайны, у час якой на яго ўпалі бомбы. З 1985 года ў спісе спадчыны. Апошні рамонт цягнуўся 14 гадоў - з 1989 да 2003 года. У 2008 годзе адна з польскіх газет паставіла яго на першае месца ў спісе самых прыгожых вакзалаў краіны.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…