Маладзёны з Беларускай дзяржаўнай акадэміі мастацтваў, аб’яднаныя ў Студэнцкі Цэнтр Сучаснага Мастацтва “Alla Prima”, прывезлі ў Гродна свой выставачны праект Echa.
Творчае аб’яднанне, заснаванае ў 2014 годзе, падтрымлівае прагрэсіўныя мастацкія традыцыі і эксперыментальныя творчыя тэндэнцыі ў сучаснай акадэмічнай адукацыі. За кароткі час існавання Цэнтр прэзентаваў экспазіцыі актуальнага нацыянальнага мастацтва ў Польшчы, Літве, Нямеччыне, Аўстрыі і Італіі.
Па Беларусі яны вандруюць са свежым праектам. Ён – вынік сумесных намаганняў студэнтаў і іх куратараў на зададзеную тэму. Праект, між іншым, прадстаўляўся ў конкурсе прац, якія мелі рэпрэзентаваць нашу краіну ў адмысловым павільёне на біенале ў Венецыі.
Выстава будзе адчыненая да 25 сакавіка.
