Камяніца па вул. Калючынскай, дзе адкрые гасцініцу бізнесмен Сямашка. Фота: Руслан Кулевіч
Дзве гасцініцы пачнуць будаваць у Гродне ў красавіку, паведаміў журналістам старшыня гарвыканкама Мечыслаў Гой падчас адкрыцця будаўнічага гіпермаркета ў Гродне, перадае карэспандэнт БЕЛТА.
На вул. Будзёнага пачнецца ўзвядзенне 4-зоркавай гасцініцы вядомага французскага гасцінічнага аператара Ibis, якое ўваходзіць у групу кампаній Accor.
Замежны інвестар мае намер пабудаваць гасцініцу на 150 месцаў з рэстаранам адкрытага тыпу. «Праектавала аб’ект брэсцкае ААТ „Палессежылбуд“, яно таксама ўдзельнічае ў конкурсе па будаўніцтву. Прыступіць да работ на пляцоўцы плануецца ўжо ў красавіку», — растлумачыў мэр.
Праект па стварэнні яшчэ адной гасцініцы на вул. Калючынскай пачне мясцовы бізнесовец. «Гаворка пра стары нежылы будынак каля дома Мураўёва. Інвестар прывядзе ў парадак участак і адкрые ў будынку гатэль высокага ўзроўню, які ўпрыгожыць самы цэнтр горада. Ужо атрыманыя ўсе дазвольныя дакументы па рэканструкцыі. Будаўнічыя работы на аб’екце плануецца пачаць праз месяц», —
дадаў старшыня гарвыканкама.
Акрамя таго, вядуцца праектныя работы па рэканструкцыі гасцініцы «Гродна», якая прададзеная з аўкцыёну кітайскім інвестарам. «Кітайскі бок павінен атрымаць праект з праведзенай экспертызай у 20-х чыслах сакавіка і ў маі прыступіць да рэканструкцыі. Пасля экспертызы інвестару трэба будзе вызначыць, якія матэрыялы ён будзе ўвозіць з Кітая і набываць тут, якая рабочая сіла будзе задзейнічана ў будаўнічых работах», — падкрэсліў Мечыслаў Гой.
Ён адзначыў, што рэалізацая праектаў у сферы турыстычнай індустрыі (гасцінічнага бізнесу, грамадскага харчавання) з’яўляецца ў бягучым годзе асабліва актуальнай у сувязі з дзеяннем 5-дзённага бязвізавага рэжыму. Таму ў Гродне ў тым ліку чакаюць актывізацыі малога бізнесу ў гэтым кірунку і з’яўлення новых аб’ектаў. На думку старшыні гарвыканкама, гэтаму таксама павінны спрыяць пазіцыя дзяржавы і даручэнні прэзідэнта ў плане падыходаў да бізнесу, скарачэння колькасці яго праверак і падыходаў да ўсталяваных рознымі службамі норм.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…