Абласны адборачны этап конкурса дызайнераў «Мельница моды» адбыўся ў Гродне 21 лютага. Сюды патрапілі тыя, што паспяхова прайшлі два папярэднія этапы — прадстаўлення ідэі і эскізаў калекцыі. Свае работы прадэманстравалі 16 дызайнераў з Гродна і вобласці. Па выніках гэтага этапа 15 калекцый дапусцілі да далейшага ўдзелу ў спаборы.
Як распавяла мастацкі кіраўнік конкурса Святлана Гняцёнак, на гэтым этапе этапе мае быць паказана ўвасабленне ідэі ў жыццё. Прадстаўленая калекцыя павінна складацца з пяці камплектаў і быць гатовай прыкладна на 75%. Гэта дазваляе як ацаніць, ці ўдаецца на практыцы ажыццявіць задумку, так і скарэктаваць ці дапоўніць калекцыю.
Адукацыйны складнік, паводле прадстаўнічкі журы Веранікі Пятровіч ці не найбольш важны ў гэтым конкурсе. Удзел у ім бяруць у асноўным дызайнеры-пачаткоўцы, што толькі асвойваюць прафесію. Сёлета Гродзеншчыну прадстаўлялі студэнты з універсітэта імя Янкі Купалы, коледжа тэхнікі, тэхналогіі і дызайна, коледжа бытавога абслугоўвання насельніцтва, цэнтра дзіцячай творчасці, лідскай студыі «Майстар моды» і школы 28 з Гродна. Прадстаўніцтва на конкурсе ў гэтым годзе большае, чым летась, калі было прадстаўлена толькі 10 калекцый.
Па завяршэнні абласнога адборачнага тура дызайнеры будуць мець час даверсці калекцыі да канчатковага выгляду. Ужо 20 сакавіка трэба прадставіць іх для фотасесіі конкурснага каталога. Фінальныя прагляды конкурса адбудуцца ў канцы мая.
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…