Пасля двух паражэнняў запар гродзенскі «Нёман» рэабілітаваўся перад сваімі заўзятарамі і на роднай пляцоўцы ўпэўнена разабраўся з «Дынама-Маладзечна».
Гродзенцы адкрылі лік ужо на 16-й секундзе матчу. З перадачы Лакканена дакладным кідком адзначыўся Кіслы. Праз дзве хвіліны гаспадары ў большасці павялічваюць сваю перавагу намаганнямі Бадуна. Яшчэ адной шайбай у першай дваццаціхвілiнцы адзначыўся Кіслы.
Другі перыяд таксама пачаўся з нападаў гродзенцаў. Гэта і прынесла чарговую шайбу. «Нёман» зноў рэалізаваў колькасную перавагу, аўтарам чацвёртай шайбы стаў Аляксандр Маляўка.
Наступны гол гродзенцы забілі ў сярэдзiне трэцяга перыяду, пятым голам ў вароты «Даныма» вызначыўся Рэмезаў. І на гэтым чырвона-чорныя не спыніліся і ўжо на 52-й хвіліне Пасют робіць лiк 6:0. Але за 55 секунд да канца асноўнага часу, госці ў большасці здолелі закінуць шайбу прэстыжу. Аўтарам апошняга гола ў матчы стаў Журня.
«Нёман» — «Дынама-Маладзечна» 6:1 (3:0, 1:0, 2:1)
галы:
00.16 1: 0 — Кіслы (Лакканен)
02.11 2: 0 — Бадун (С. Маляўка, Коршунаў, — бол.)
11.13 3: 0 — Кіслы (Пасют)
23.17 4: 0 — А. Маляўка (С. Маляўка, Дарафееў, — бол.)
47.14 5: 0 — Рэмезаў (Дадонаў, Брыкун)
51.17 6: 0 — Пасют (Марчанка, Лакканен)
59.05 6: 1 — Журня (Амбражэйчык, — бол.)
Пасля упэўненай перамогі над «Дынама» «Нёман» зноў стаў набіраць ачкі. Цяпер у гродзенскай каманды ў актыве 74 ачкі і другое месца ў турнірнай табліцы. На першым месцы па ранейшаму ідзе «Юнацтва», у мінскай каманды 84 ачкі.
Наступны матч «Нёман» правядзе ў Мінску дзе і сустрэнецца з лідарам турнірнай табліцы «Юнацтвам». Матч пройдзе ў суботу 21 студзеня.
