Людзі і справы

«Агідна-цынічная фіксацыя». У Гродне судзяць дзяўчыну за эратычнае фота з элементамі порна ў Вконтакте

Гродзенку Дыяну вінавацяць у распаўсюдзе парнаграфіі. Яе крымінальную справу 27 снежня пачаў разглядаць суд Кастрычніцкага раёна Гродна. У сакавіку дзяўчына захавала пікантную фатаграфію ў альбом «Захаваныя» ў Вконтакте. Гэта фота і прыцягнула ўвагу следчых.

24 сакавіка, каля 17:14, Дыяна, карыстаючыся сваім тэлефонам Nokia захавала ў альбом, які даступны да публічнага прагляду, фота, на якім часткова бачны палавы орган мужчыны.

Сама яна сцвярджае, на экране яе старога тэлефона не разгледзела фота ў дэталях: ёй падалося, што гэта проста забаўны эратычны малюнак.

Цяпер, згодна з ч. 2 арт. 343 Крымінальнага кодэксу Дыяне пагражае нават пазбаўленне волі ад двух да чатырох гадоў. У яе ёсць шасцігадовы сын.

«Там была канструкцыя з трох аголеных чалавечых целаў, але палавога органа ў мужчыны на сваім маленькім тэлефоне я не ўбачыла. Захавала фатаграфію, бо планавала потым яшчэ паглядзець яе, але не распаўсюджваць. Так атрымалася, што я забылася пра гэты здымак. У сярэдзіне восені да мяне прыйшла маліцыя. Прыйшлі яны ўжо з гатовай экспертызай малюнка», — кажа Дыяна.

Вось вытрымка з мастацтвазнаўчай экспертызы № 834 ад 02.09.2016:

«Фрагмент сцэны групавога аральна-генітальнага кантакту з вульгарна-натуралістычнай, агідна-цынічнай, непрыстойнай фіксацыяй палавых зносін, самамэтавай, наўмыснай дэманстрацыяй пераважна аголеных геніталій, антыэстэтычных сцэн палавога акту, сэксуальных вычварэнняў, якія не адпавядаюць маральным крытэрыям, абражаюць гонар і годнасць асобы, ставячы яе на ўзровень праяўлення інстынктаў жывёл».

У Дыяны правялі дома ператрус — шукалі порнаматэрыялы, але нічога не знайшлі. Таксама арыштавалі тэлевізар і мабільны тэлефон. На працу прыйшоў ліст з інфармацыяй, што дзяўчына захоўвала і распаўсюджвала ў сеціве порна. Прыходзілі дадому і прадстаўнікі аддзела адукацыі - ім Дыяне прыйшлося даказваць, што гэта не яна на фота.

«Мяне абурае, што яны звярнулі ўвагу толькі на адну эратычную фатаграфію з тысячы нармальных здымкаў. З мяне хочуць зрабіць нейкага ўладальніка порнаіндустрыі. Гэта няправільна, бо я толькі захоўвала, але ніяк не распаўсюджвала. Я спадзяюся на мяккае пакаранне, бо не з’яўляюся злосным правапарушальнікам. Сапраўдных злачынцаў хапае і без мяне».

Дыяна — маці-адзіночка, жыве разам з сынам. Зараз сям’ю забяспечвае малады чалавек Дыяны і яе бацькі.


Першае паседжанне суда доўжылася каля двух гадзін, але з-за адсутнасці галоўнага сведкі, справу вырашылі працягнуць у студзені.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025