Выстава, спевы і чытанне «Пагоні» на сямі мовах — гэта толькі частка імпрэзы «Паэзія высокага гучання», прысвечанай 125-годдзю з дня нараджэння Максіма Багдановіча, якая прайшла ў музеі паэта 13 снежня.
Вечар распачаўся з адкрыцця мастацкай мінівыставы, прысвечанай паэту. У гасцёўні «Доміка Багдановіча» на гасцей ужо чакаў дзявочы фальклёрны гурт «Кужаль» з каледжа мастацтваў, які прадставіў некалькі беларускіх народных спеваў. Пад час вечарыны былі ўзнагароджаныя пераможцы міжшкольнага брэйн-рынгу «Зорка Максіма Багдановіча», дзе шкаляры маглі прадэманстраваць свой узровень ведаў творчасці і біяграфіі паэта.
Прафесар Аляксей Пяткевіч перадаў з уласнай бібліятэкі ў дар для музея два рарытэтныя зборнікі: мінскае выданне першага тому зборніка паэзіі Багдановіча 1927 года, а таксама эмігранцкае выданне «Вянок паэтычнай спадчыны» 1960 года (Мюнхен-Ню-Ёрк).
Студэнты прачыталі «Пагоню» на сямі мовах: беларускай, расійскай, польскай, англійскай, нямецкай, латышскай і балгарскай.
У канцы супрацоўнікі музея пацешылі маленькіх гасцей батлеечным спектаклем «Цар Ірад», пасля чаго ў гасцёўні на ўсіх чакала гарбата з пачастункамі.
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…