Дадаць навіну
Субота, 17 лістапада 2018, 04:35

Мастачка-падарожніца з Расіі распісвае гродзенскія вокны перадсвяточнымі ўзорамі

Ганна Лобач прыехала ў Гродна ў красавіку 2016. За час, якi жыве ў горадзе, яна ўжо паспела стварыць серыю паштовак з выявамі гродзенскіх славутасцяў. Нядаўна мастачка паказала гродзенцам новы від перадсвяточнага роспісу вокнаў.

“Раней я тры гады жыла ў Маскве і паспяхова займалася роспісам сцен. Тут у мяне яшчэ не так шмат заказчыкаў і мне б хацелася такім чынам наладзіць камунікацыю з горадам”, – кажа Ганна. Яна выканала роспіс на вакне кавярні “Проста кава”. Выбрала яе не толькі з-за смачнай кавы, але і з-за выдатнага віду з акна і ўтульнага інтэр’еру.

“Я мела зняць ролік пра працэс роспісу вакна для свайго партфоліа і гэтыя фактары былі важныя. Першы раз роспіс вокнаў гады два таму ўбачыла ў інтэрнэце, зацікавілася, знайшла крэйдавыя маркеры. Ідэя не мая, але яна цяпер набірае папулярнасць і мне яна вельмі па душы”, – распавядае Ганна.

Роспіс вакна ў “Проста каве” заняў Ганне 2,5 гадзіны. Маркеры, якімі яна малюе, лёгка змываюцца вадой і анучкай. Шкло не драпаецца і не псуецца. Асноўны склад маркераў гэта крэйда, вада і клей ПВА.

“Я малюю маркерамі edding. Яны бываюць з пер’ем двух відаў: 2-3 мм і 10 мм у шырыню. Бываюць розных колераў, але мне падабаецца маляваць белым, ён, на маю думку, выглядае больш высакародна. Калі не чапаць роспіс рукамі, не праціраць анучкай і не рабіць вільготную ўборку, то фарба трымаецца доўга. Сама па сабе яна не крышыцца і не адслойваецца”.

Маркеры edding можна знайсці ў канцтаварах, спецыялізаваных крамах маркераў, а яшчэ часам у будаўнічых крамах – такімі маркерамі пазначаюць шкло і іншыя будаўнічыя матэрыялы. Адзін маркер каштуе каля 6 рублёў. Ёсць і іншыя вытворцы, якія пазіцыянуюць свой тавар менавіта як інструмент для мастакоў.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: