Пазнаёміцца з людзьмі, што па-валанцёрску працуюць у Гродне, і расказаць уласную гісторыю валанцёрства зможа кожны ахвотны 5 снежня — у Міжнародны дзень валанцёра. Разам адзначыць гэта свята запрашаюць кавярня «Наша кава» і рэдакцыя Hrodna.life.
У гэты дзень у кавярні можна будзе сустрэць валанцёраў з-за мяжы і з нашага горада. Яны прапануюць наведвальнікам салодкія пачастункі і падзеляцца сваім досведам працы.
[irp posts="5410″ name="Змяніць жыццё, выратаваць свет, дапамагчы людзям — 5 гарадзенак расказалі, чаму сталі валанцёрамі і што атрымалі ўзамен"]
Калі ж нехта з наведвальнікаў і сам раскажа пра ўласны ўдзел у валанцёрстве, то атрымае кубак кавы ў падарунак ад кавярні.
Валанцёры будуць чакаць калегаў і аматараў кавы ад 16.00 да 20.00 гадзін.
[irp posts="2752″ name=""Ізвініт'е, я француз". Ці лёгка жыць замежніку ў Гродне"]
