Падказваем, чаму цікаваму і карыснаму можна навучыцца на гэтым тыдні.
Спонсар рубрыкі - «Цэнтр дадатковай адукацыі дарослых «Студыя карысных кампетэнцый».
«Студыя» працуе для тых, хто хоча развівацца і атрымліваць карысныя веды і ўменні для самаразвіцця, кар’ернага росту і працы на карысць грамадства. Прапануе адукацыйныя курсы, трэнінгі, праекты, карпаратыўнае навучанне.
1. Тэхнікам PR
Установа «Цэнтр дадатковай адукацыі дарослых «Студыя карысных кампетэнцый» запрашае ўсіх на PRасоўню — трэнінг па сувязях з грамадскасцю. Якiя веды і ўменні можна ўдасканаліць з намі? Арганізацыя працы з грамадскасцю, PR-стратэгія, PR-кампанія, выкарыстанне інтэрнэту ў працы па сувязях з грамадскасцю і шмат іншага.
Час: 26 лістапада (субота), 11.00−17.30 і 27 лістапада (нядзеля), 11.00−16.00
Месца: Ціміразева 10.1−31 — першы дзень; Будзёнага 48а-86 — другі дзень
Уваход вольны. Каб запісацца, неабходна запоўніць электронную форму. Тэрмін падачы заявак: да 22 лістапада.
2. Чайнай цырамоніі
Кафэ «Партал» запрашае на чайную школу — пазнаёмцеся з відамі чаю, паспрабуйце заварыць з намі свой чай і, вядома,… частуйцеся!
Час: Кожную нядзелю, 17:00
Месца: «Партал», вул. Вялікая Траецкая, 31
Уваход: 6 руб.
3. Паглядзець карыкатуры на тэму клімату
Шведска-беларуская выстава «Сам-насам з кліматам» жартоўным спосабам уздымае пытанні зменаў клімату і іншых экалагічных праблем сучаснасці.
Час: з 23 лістапада па 18 снежня
Месца: Гродзенская выставачная зала, Ажэшкі, 38
