Будынак Падляшскай оперы і філармоніі. Фота: kajar.eu
Турысцка-інфармацыйны цэнтр, прысвечаны Гродна і Гродзенскаму рэгіёну, пачаў працу ў будынку Падляшскай оперы і філармоніі ў Беластоку, паведаміла карэспандэнту БЕЛТА намесніца начальніка ўпраўлення спорту і турызму Гродзенскага аблвыканкама Таццяна Лідзяева.
«Тут жыхары і госці Беластока змогуць даведацца ўсю неабходную інфармацыю пра турыстычны патэнцыял Гродна і ваколіц, найбольш цікавыя турыстычныя аб’екты, атрымаць кантакты турыстычных фірм, гасцініц, іншых аб’ектаў сферы паслуг. Тут можна будзе ўзяць інфармацыйныя буклеты, турыстычныя карты, іншую друкаваную прадукцыю, атрымаць адказы на ўсе хвалюючыя турыста пытанні», — распавяла Таццяна Лідзяева. У інфармацыйным цэнтры таксама можна будзе ва ўсіх падрабязнасцях даведацца аб парадку ўезду і правілах знаходжання ў турысцка-рэкрэацыйным парку «Аўгустоўскі канал» (у склад тэрыторыі ўвайшлі таксама Гродна і частка Гродзенскага раёна), які з 26 кастрычніка замежныя турысты могуць наведваць без візы.
[irp posts="2409″ name="Гродна ў першы бязвізавы ўікэнд наведалі 39 замежных турыстаў"]
«Аналагічны цэнтр, прысвечаны турызму ў Падляшскім ваяводстве Польшчы, пачаў працу тыдзень таму ў Гродне. Стварэнне такіх цэнтраў дасць магчымасць прыцягваць дадатковых турыстаў, ажыццяўляць сумесныя турыстычныя прадукты», — падкрэсліла Таццяна Лідзяева.
[irp posts="2334″ name="Хутка, нядорага, без праблем: як iспанская сям’я наведала Гродна без візы"]
Яна адзначыла рост цікавасці да рэгіёна з боку так званых бязвізавых турыстаў. Па дадзеных на 2 лістапада, для наведвання Беларусі такім чынам зарэгістраваліся амаль 110 замежнікаў. Большасць з іх грамадзяне Польшчы і Літвы, аднак сярод тых, хто ўжо наведваў Гродне без візы, ёсць таксама жыхары Францыі, Іспаніі, Бельгіі.
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…